ضلع تلہ گنگ کا قیام۔۔۔!!!
تحریر : شوکت ملک
تلہ گنگ ضلع کا قیام جوکہ تلہ گنگ و لاوہ کی عوام کا دیرینہ اور دلی مطالبہ رہا ہے مختلف ادوار میں ضلع بنانے کے وعدے وعید کیے مگر بدقسمتی سے وفا نہ ہوسکے، بالآخر فرزندِ تلہ گنگ ایم پی اے حافظ عمار یاسر نے تلہ گنگ ضلع کا سہرا بھی اپنے سر سجا کر بازی جیت لی، جس پر محسنِ تلہ گنگ چوہدری پرویز الٰہی اور فرزندِ تلہ گنگ و بانی ضلع تلہ گنگ ایم پی حافظ عمار یاسر خراجِ تحسین کے مستحق ہیں، وزیراعلٰی پنجاب چوہدری پرویز الٰہی کی جانب سے تلہ گنگ ضلع کی باقاعدہ منظوری اور اعلان کے بعد اہلیانِ تلہ گنگ و لاوہ خوشی سے جھوم اٹھے، ہر طرف جشن کا سماں ہے، لوگ ایک دوسرے کو مبارکباد پیش کررہے ہیں، دوسری جانب ایم پی اے حافظ عمار یاسر کے استقبال کےلیے تیاریاں زور و شور سے جاری ہیں، شہر بھر میں پوسٹر اور بینرز آویزاں کیے جارہے ہیں، اس موقع پر اہلیانِ تلہ گنگ و لاوہ کا بھی فرض بنتا ہے کہ سیاسی وابستگیوں سے بالاتر ہو کر فرزندِ تلہ گنگ و بانی ضلع تلہ گنگ حافظ عمار یاسر کا فقید المثال استقبال کریں تاکہ ان کی حوصلہ افزائی ہو اور ضلع تلہ گنگ کو ایک خودمختار ضلع بنانے اور دیگر انتظامی معاملات کےلیے مزید دلجوئی سے کام کرسکیں، کیونکہ تلہ گنگ کو ضلع کا درجہ دلوانے کے بعد اصل کام تو اب شروع ہوگا جس کے لیے ہم سب کو متحد ہوکر حافظ عمار یاسر کا زور بازو بننا ہوگا تاکہ ہم تلہ گنگ کو جلد از جلد ایک خود مختار ضلع بنانے میں کامیاب ہو سکیں، تلہ گنگ کو ضلع کو درجہ دلوانے کے بعد حافظ عمار یاسر کا نام یقیناً تلہ گنگ کی تاریخ میں سنہری حروف سے لکھا اور یاد رکھا جائے گا، وہ کام جو بڑے بڑے سردار مل کر نہ کرسکے وہ اکیلے حافظ عمار یاسر نے کر دکھایا جوکہ ان کی سب سے بڑی کامیابی ہے، حافظ عمار یاسر نے تلہ گنگ کو ضلع کا درجہ دلوا کر یہ ثابت کر دیا ہے کہ آپ اپنی دھرتی سے مخلص ہوں اور آپ کی نیت صاف ہو تو بڑی سے بڑی رکاوٹ بھی آپ کے سامنے ریت کی دیوار ثابت ہوتی ہے، میں اس پرمسرت موقع پر حقیقی فرزندِ تلہ گنگ و بانی ضلع تلہ گنگ ایم پی اے حافظ عمار یاسر اور محسنِ تلہ گنگ وزیر اعلیٰ پنجاب چوہدری پرویز الٰہی کا دل کی اتھاہ گہرائیوں سے نہ صرف شکریہ ادا کرتا ہوں بلکہ دھرتی کے ان مخلص سپوتوں کو خراجِ تحسین بھی پیش کرتا ہوں۔ دعا ہے رب تعالیٰ غازیوں اور شہیدوں کی اس دھرتی کو امن و سلامتی اور ترقی و خوشحالی کا گہوارہ بنائے۔ آمین
