سعودی عرب کے ایک سرکاری ذرائع نے اس رپورٹ کی تردید کی ہے کہ سعودی عرب کے سرحدی محافظوں نے یمن کی سرحد کے قریب ایتھوپیا کے تارکینِ وطن کو ہلاک کیا تھا جبکہ گذشتہ پیر کے روز امریکا میں قائم ہیومن رائٹس واچ گروپ نے ایک رپورٹ میں الزام عاید کیا تھا کہ سعودی عرب کے سرحدی محافظوں نے یمن سے مملکت کی حدود میں داخل ہونے کی کوشش کرنے والے سیکڑوں ایتھوپیائی تارکین وطن کو ہلاک کردیا ہے۔
جبکہ عرب میڈیا کے مطابق سرکاری ذرائع کا کہنا ہے کہ یہ الزامات بالکل بے بنیاد، من گھڑت اور ناقابل اعتماد ذرائع پر مبنی ہیں جبکہ سرکاری ذریعے نے کچھ تنظیموں کی جانب سے مملکت کے بارے میں جھوٹے الزامات لگانے اور مشکوک ومذموم مقاصد واہداف کے لیے بار باربرپا کی جانے والی بدنیتی پر مبنی میڈیا مہموں کے تناظر میں سیاسی اور گمراہ کن رپورٹس کی اشاعت اور تشہیر کی مذمت کی ہے۔
مزید یہ بھی پڑھیں؛
اب ہمارے گھر کر کے نیٹ فلکس پر میری بیوی آئیگی یاسر حسین
اوپن مارکیٹ میں ڈالر 316 روپے پر پہنچ گیا
بلوچستان؛ نگران مشیر معدنیات کیخلاف مقدمہ درج
علاوہ ازیں بتایا گیا ہے کہ سعودی عرب نے اس سے قبل ان افراد کے گروپوں کو طبّی نگہداشت کی تھی اوران کی ہر طرح کی دیکھ بھال کی تھی جنھیں مسلح گروہوں نے یمن سے طاقت کے ذریعے مملکت میں داخل ہونے پرمجبور کیا تھا اور ان پر گولی چلا دی تھی جبکہ ایس پی اے کی اطلاع کے مطابق سرکاری ذریعے نے سعودی قانون نافذ کرنے والے اداروں کی جانب سے اپنے قواعد و ضوابط، بین الاقوامی انسانی حقوق کے قانون اور بین الاقوامی انسانی قوانین میں بیان کردہ انسانی حقوق کے اصولوں اور سرحدی سلامتی کی خلاف ورزی کرنے والوں کو انسانی خدمات مہیا کرنے اور انسانی حقوق کے بین الاقوامی معیارات کے تحت مملکت کے قوانین اور ذمے داریوں کے مطابق ان کے ساتھ سلوک روا رکھنے کے عزم پر زور دیا ہے۔
