نیویارک : ضرر رساں گیس کا زیادہ اخراج سے دنیا کی زندگی کوخطرات،کسی بھی وقت کچھ ہوسکتا ہے ،اطلاعات کے مطابق اقوام متحدہ نے اپنی تازہ ترین رپورٹ میں خبردار کیا ہے کہ دنیا میں ضرر رساں گیس کا اخراج ریکارڈ سطح پر پہنچ چکا ہے جس کی وجہ سے زمین کا اوسط درجہ حرارت 3 ڈگری سینٹی گریڈ تک اضافے کی جانب گامزن ہے۔
دنیا میں بدلتے ہوئے موسموں پرتحقیقات کے حوالے سے اقوام متحدہ کی رپورٹ کے مطابق گزشتہ برس گرین ہاؤس گیسز کا اخراج ریکارڈ سطح پر رہا جس کی وجہ سے دنیا بھر میں موسموں میں شدت محسوس کی گئی،
اس حوالے سے آنےوالے اعدادوشمار کے مطابق آرکٹک میں برف کے پگھلنے کی رفتار تیز رہی، سائبیریا میں ہیٹ ویو اور امریکا میں جنگلوں میں آگ لگنے کے واقعات میں اضافہ ہوا۔
علاوہ ازیں یورپی ادارہ برائے موسمیاتی تبدیلی نے اپنی رپورٹ میں کہا ہے کہ اس سال نومبر کا مہینہ اب تک ریکارڈ کیا جانے والا گرم ترین نومبر تھا جبکہ سال 2020 مجموعی طور پر تاریخ کا گرم ترین سال ہونے جارہا ہے۔اس ادارے نے یہ بھی امکان ظاہر کیا ہے کہ اب ہرآنےوالے سال میں گزرنے والے سال سے گرمی بہت زیادہ ہوا کرے گی
رپورٹ کے مطابق 2019 میں ضرر رساں گیسز کے اخراج کو اگر کاربن ڈائی آکسائیڈ میں تبدیل کرکے دیکھا جائے تو اس حساب سے ریکارڈ 59.1 گیگا ٹن گیس فضا میں خارج کی گئی۔رواں برس کورونا وبا کی وجہ سے عالمی معیشت سست رہی جس کے سبب گیس اخراج میں عارضی کمی واقع ہوئی۔
اس عالمی ادارے نے خبردار کیا کہ اگریہ صورتحال رہی توپھراس دنیا میں کسی بھی وقت کسے بڑے سانحہ کا حادثہ ہوسکتا ہے
