فواد چوہدری کا فیصل آباد میں میڈیکل آلات بنانے کیلئےانڈسٹریل زون قائم کرنے کا اعلان
باغی ٹی وی : وزیر سائنس اینڈ ٹیکنالوجی فواد چودھری کا کہنا ہے کہ فیصل آباد میں 2 سو ایکڑ پر مشتمل میڈیکل آلات بنانے کیلئے انڈسٹریل زون قائم کر دیا ہے۔
فواد چودھری نے ٹویٹر پر پیغام میں بتایا کہ فیصل آباد میں میڈیکل انڈسٹریل زون کے قیام سے ایک اعشاریہ چار ارب ڈالر کے میڈیکل آلات کی درآمدات میں کمی آئےگی۔
فیصل آباد انڈسٹریل زون میں دو سو ایکڑ پر میڈیکل آلات بنانےکا زون قائم کیا ہے اس سے 1.4 ارب ڈالر کی میڈیکل آلات کی امپورٹس جو ہم کرتے ہیں بہت کم ہو جائیں گی، سرنج، سوئیاں، Canolas, Xray Machines, Heart stunts , Dialysis machines ہم پاکستان میں بنائیں گے, اگلا زون سیالکوٹ ہو گا
— Ch Fawad Hussain (@fawadchaudhry) September 27, 2020
انہوں نے کہا کہ ڈائلسزمشینیں، ہارٹ اسٹنٹ، ایکسرے مشینیں اور کینولاز پاکستان میں بنائےجائیں گے، وفاقی وزیر کا مزید کہنا تھا کہ اگلا میڈیکل انڈسٹریل زون سیالکوٹ میں قائم کیاجائے گا۔
فواد چوہدری نے پی سی ایس آئی آر فیصل آباد میں میڈیکل انڈسٹری کے قیام کے حوالے سے کئے جانے والے معاہدہ کے بعد میڈیا سے گفتگو کرتے ہوئے کہا کہ پاکستان کورونا کا حفاظتی سامان ترقی یافتہ ممالک کو برآمد کر رہا ہے، کورونا ویکسین اگلے سال مارکیٹ میں آ جائے گی۔ انہوں نے کہا کہ ہم نے ڈائیلسز مشین بنا لی ہے، گیارہ سو وینٹی لیٹر بنا رہے ہیں، اگلے سال سرنجز، نیڈیلز اور ایکسرے مشین بنا رہے ہونگے۔
