فہد مصطفی اور ماہرہ خان کی فلم ریلیز سے قبل ہی بلاک بسٹر قرار

ماہرہ خان اور فہد مصطفی کی فلم ’قائداعظم زندہ باد‘ رواں برس کی بڑی فلموں میں سے ایک قرار دی جارہی ہے

باغی ٹی وی کی رپورٹ کے مطابق ماہرہ خان اور فہد مصطفیٰ کی فلم ’قائداعظم زندہ باد‘ رواں برس کی بڑی فلموں میں سے ایک قرار دی جارہی ہے اور لوگ اس فلم کا بے چینی سے انتظار کررہے ہیں جبکہ اسے ریلیز سے قبل ہی بلاک بسٹر قرار دیا جا رہا ہے

فہد مصطفی اورماہرہ خان کا شمار پاکستان کے صف اول کے اداکاروں میں ہوتا ہے دونوں کئی کامیاب فلموں میں کام کرچکے ہیں لیکن دلچسپ بات یہ ہے کہ دونوں نے ایک ساتھ کسی فلم میں کام نہیں کیا لہذا جب فلم’قائد اعظم زندہ باد‘کا اعلان کیا گیا تو لوگ بے تابی سے اس فلم کا انتظار کرنے لگے

گذشتہ روز ماہرہ خان اور فہد مصطفی نے سماجی رابطے کی ویب سائٹ پر بتایا کہ مسلسل 3 ماہ کی شوٹنگ کے بعد بالآخر شوٹنگ کا اختتام ہوا

شنیرا اکرم فلم منی بیک گارنٹی سے ڈیبیو کریں گی

ٹویٹر پر ماہرہ خان نے فلم کے اختتام پر اس کے ایک سین کی تصویر شیئر کی

Wrappin’ it up with some love 🧿🙌🏼🎉 #QuaideazamZindabaad @fahadmustafa26 pic.twitter.com/oKzBEZ3YlU

— Mahira Khan (@TheMahiraKhan) February 15, 2020

فہد مصطفی نے بھی ہدایت کارنبیل قریشی کے ساتھ اپنی ایک تصویر شیئر کی جس میں وہ تھکے ہوئے نظر آرہے ہیں فہد مصطفی نے لکھا کہ مسلسل 3 مہینے تک شوٹنگ کرنے کے بعد ہماری حالت ایسی ہوگئی ہے

After 3 months of nonstop shoot this how we look 😜@nabeelqureshi #QuaidEAzamZibdabad pic.twitter.com/brpY6GfDjN

— Fahad Mustafa (@fahadmustafa26) February 15, 2020

فہد مصطفیٰ اور ماہرہ خان کے مداح فلم کی شوٹنگ ختم ہونے کا سن کر نہ صرف پرجوش ہیں بلکہ فلم کی ریلیز کا بے صبری اور نے چینی سے انتظار کررہے ہیں مداحوں کے مطابق سال کی سب سے بڑی فلم کی شوٹنگ اپنے اختتام کو پہنچی اور یہ فلم بلاک بسٹر ثابت ہوگی انشااللہ اس کے ساتھ ہی مداحوں نے فلم کے لیے نیک تمناؤں کا اظہار کیا

سید احمد محمود نامی صارف نے لکھا کہ وہ ان دونوں کو اکٹھے فلم میں دیکھنے کے لیئے بے چین ہیں اور وہ انتظار کر رہے ہیں اور دعائیہ کلمات اور نیک تمناؤں کا اظہار کرتے ہوئے لکھا کہ یہ فلم انشاٰاللہ بہت بڑی بلاک بسٹر فلم ہو گی

واضح رہے کہ فلم’قائداعظم زندہ باد‘میں فہد مصطفیٰ پہلی بار ایک پولیس انسپیکٹر کا کردار نبھارہے ہیں فلم کو ہدایت کار نبیل قریشی اور فضاعلی مرزا ڈائریکٹ اور پروڈیوس کررہے ہیں جب کہ یہ فلم’فلم والا پکچر‘کے بینر تلے ریلیز کی جائے گی

فلم کی ریلیز کی تاریخ کے حوالے سے فی الحال تفصیلات منظر عام پر نہیں آئی ہیں تاہم خیال کیا جارہا ہے کہ یہ فلم رواں سال عید الفطر یا عیدالاضحی کے موقع پر ریلیز کی جائے گی