فیصل آباد:ڈاکوؤں کی فائرنگ یا کسی دشمنی کا شاخسانہ فائرنگ سے ویٹنری ڈاکٹر جاں بحق جبکہ بیٹاشدید زخمی ہوگیا۔ ڈاکوواردات کے بعد ہوائی فائرنگ کرتے ہوئے فرار ہوگئے۔
پولیس تاندلیانوالہ کےعلاقے تھانہ کُر میں ڈاکوؤں کی فائرنگ سے ویٹنری ڈاکٹر جاں بحق ہوگیا جبکہ بیٹاشدید زخمی ہوگیا۔ ذرائع کے مطابق ڈاکٹر عاشق کے گھر میں مسلح ڈاکو داخل ہوئے اور لوٹ مار شروع کردی جس پر ڈاکٹر عاشق اور بیٹے نے مزاحمت کی ڈاکوؤں نے دوران ڈکیتی مزاحمت پر فائرنگ کردی۔
ڈاکوبازار میں ہوائی فائرنگ کرتے ہوئے فرار ہوگئے اطلاع کے باوجود پولیس 3 گھنٹے تاخیر سے پہنچی ریسکیو نے زخمی کو طبی امداد کیلئے فوری طور پر اسپتال منتقل کردیا۔اہل علاقہ نے اس پر احتجاج کیا اور پولیس کے دیر سے پہنچنے پر ناراضگی کا اظہار کیا
