اسلام آباد :جعلی لائسنس اسکینڈل، نامزد ملزم پائلٹ فہد سلطان بیرون ملک فرار کی کوشش پر گرفتار،اطلاعات کےمطابق سول ایوی ایشن اتھارٹی (سی اے اے) کے جعلی پائلٹس لائسنس اسکینڈل میں مزید پیش رفت ہوئی ہے اور وفاقی تحقیقاتی ادارے (ایف آئی اے) نے مقدمے میں نامزد ایک اور ملزم پائلٹ فہد سلطان کو گرفتار کرلیا۔
ایف آئی آے ترجمان کے مطابق ملزم پائلٹ فہد سلطان کو نیواسلام آباد ائیرپورٹ سے گرفتار کیا گیا ہے جو جعلی پائلٹس لائسنس اسکینڈل کے مقدمے میں نامزد ہے جبکہ ملزم پائلٹ برطانیہ جانے کی کوشش کر رہاتھا۔
ترجمان کا کہنا ہے کہ گرفتار پائلٹ کو اسلام آباد سے کراچی منتقل کیا جائے گا۔اُدھر ایوی ایشن ذرائع کا کہنا ہے کہ گرفتار پائلٹ فہد کے پاس کمرشل پائلٹ لائسنس ہے لیکن وہ کسی ائیر لائن یا فلائنگ کلب کا ملازم نہیں ہے۔
اس سے پہلے ایک پائلٹ کو کراچی میں بھی گرفتار کیا جا چکا ہے اور اب تک جعلی لائسنس کیس میں ایف آئی اے نے سی اے اے کے لائسنس برانچ کے 5 افسران سمیت 7 افراد کو گرفتار کیا ہے۔
گرفتارملزم سمیت تین مقدمات میں نامزد 49 ملزمان ایف سی اے کی اسٹاپ لسٹ میں موجود ہے،اس سے قبل پائلٹس کے جعلی لائسنس کے معاملے میں پائلٹ ثقلین علی کو گرفتار کیا جاچکاہے۔
ابتدائی طور پر مختلف ائیر لائنز اور اداروں کو جاری 40 لائسنسز میں پی آئی اے کو 9،شاہین ائر 1،کے کے ایوی ایشن 1،لاہور فلائنگ کلب 2،عسکری فلائنگ کلب کو بھی 2مشتبہ پائلٹ لائسنسز جاری ہوئے۔
اس کے علاوہ پرائیوٹ پائلٹس کو 14 مشتبہ لائسنس، راولپنڈی فلائنگ کلب کو 1،ہائیبرڈ فلائنگ کلب 2 اور رحمان فلائنگ کلب کو 5لائسنس جاری ہوئے۔جاری کئے گئے مشتبہ لائسنس میں 4 پرائیوٹ لائسنس،19 کمرشل پائلٹ لائسنس اور 17 ائرٹرانسپورٹ پائلٹ لائسنس شامل ہیں۔
