ریاست اور حکومتی شخصیات کی فیک ویڈیوز بنانے میں ملوث ملزم گرفتار

اسلام آباد: ایف آئی اے سائبر کرائم نے کارروائی کرتے ہوئے ریاست اور حکومتی شخصیات کی فیک ویڈیوز بنانے میں ملوث ایک اور ملزم گرفتارکر لیا-

باغی ٹی وی : ایف آئی اے کے مطابق فیک ویڈیوز بنانے میں ملوث ملزم کی شناخت غلام نبی کے نام سے ہوئی ہے، ایف آئی اے سائبر کرائم کی جانب سے ملزم کو چھاپہ مار کارروائی میں صادق آباد سے گرفتار کیا گیا، ملزم ریاست، سرکاری شخصیات کو نقصان پہنچانے کے لیے مصنوعی ذہانت کا غلط استعمال کرتا تھا۔ ملزم نے حکومتی اور اعلیٰ سرکاری شخصیات کی تصاویر و ویڈیوز سوشل میڈیا پر شیئر کیں، ملزم کے خلاف پیکا ایکٹ کے تحت مقدمہ درج کر لیا گیا ملزم کے سوشل میڈیا اکاؤنٹس اور ڈیجیٹل شواہد قبضے میں لے کر تحقیقات کا آغاز کر دیا گیا ہے۔

مصطفیٰ قتل کیس،ملزم ارمغان اعتراف جرم کے بعد مکر گیا

واضح رہے کہ گزشتہ روز بھی ایف آئی اے سائبر کرائم سرکل اسلام آباد نے کارروائی کرتے ہوئے ریاست مخالف مہم اور حساس سرکاری ڈیٹا لیک کرنے والا ملزم گرفتار کیا تھا، گرفتار ملزم کی شناخت انس نواز کے نام سے ہوئی ملزم کو چھاپہ مار کارروائی میں لیک ویو سوسائٹی بنی گالا، اسلام آباد سے گرفتار کیا گیا-

کیپٹن حسنین اختر نے وطن کی مٹی سے وفا کا عہد نبھا دیا

ایف آئی اے کا کہنا تھا کہ ملزم نے پاسپورٹ اینڈ امیگریشن ڈیٹا بیس تک غیر قانونی رسائی حاصل کی ملزم نے شہریوں کے ذاتی پا سپو رٹس اور اعلیٰ سرکاری شخصیات کی تصاویر سوشل میڈیا پر شیئر کیں ملزم نے ایکس اکاؤنٹ سے حساس معلومات شیئر کرکے عوام میں خوف و ہراس پھیلانے کی کوشش کی ملزم کے خلاف PECA-2016 کے تحت مقدمہ درج کر لیا گیا۔

ایف آئی اے کے مطابق ملزم کے سوشل میڈیا اکاؤنٹس اور ڈیجیٹل شواہد قبضے میں لے کر تحقیقات کا آغاز کر دیا گیا ہے ملزم کے خلاف قانون کے مطابق سخت کارروائی عمل میں لائی جائے گی۔

نازش جہانگیر کی غلط معلومات پھیلانے والوں کو کارروائی کی دھمکی