رواں ماہ 17 تاریخ کو رشتہ ازدواج میں منسلک ہونے والے گلوکار فلک شبیر اور اداکارہ سارہ خان کی اچانک شادی نے لوگوں کو حیران کر دیا تھا جوڑے نے 14 جولائی کو منگنی کا اعلان کیا اور اگلے ہی دن دونوں کی شادی کی تقریبات کا آغاز ہوا اور دونوں 17 جولائی کو رشتہ ازدواج میں منسلک ہو گئے-
باغی ٹی وی : فلک شبیر نے نجی ٹی وی چینل سے گفتگو کرتے ہوئے بتایا کہ کس طرح ان کے اور سارہ خان کے درمیان دوستی کی شروعات ہوئی اور کس طرح انہوں نے اداکارہ کو شادی کی پیش کش کی-
فلک شبیر نے بتایا کہ ان کے اور سارہ خان کے درمیان پہلی باضابطہ ملاقات 2019 میں ہم ٹی وی برائڈل کوچر شو میں ہوئی تھی اور اسی ملاقات کے بعد ہی انہوں نے باقی زندگی ایک ساتھ گزارنے کی پلاننگ کی تھی۔
انسٹاگرام سکرین شاٹ
فلک شبیر نے بتایا کہ مذکورہ ملاقات سے قبل ان کے اور سارہ علی خان کے درمیان سرسری ملاقاتیں ہوتی تھیں لیکن اس دن وہ تنہا بیٹھ کر چائے پی رہے تھے تو انہوں نے سارہ خان اور نور کو ساتھ میں چائے پینے کی پیش کش کی اور پھر چائے کے ساتھ تفصیلی گفتگو کے بعد ان کے درمیان ایک نئے دور کا آغاز ہوا۔
گلوکار نے بتایا کہ ان کے اور سارہ خان کے درمیان دوسری اہم ملاقات لاہور کے ایم ایم روڈ کے ایک ہوٹل میں اس وقت ہوئی جب وہ ایک شو کرنے کے بعد فری ہوئے۔
انسٹاگرام سکرین شاٹ
انہوں نے بتایا کہ اس روز کا کھانا ایک ساتھ کھانے کے بعد جب انہوں نے سارہ خان کو گھر چھوڑا تو انہوں نے راستے میں ہی اداکارہ کو شادی کی پیش کش کی جس پر سارہ خان نے انہیں والدین سے ملاقات کے لیے کہا۔
گلوکار نے مزید بتایا کہ کچھ دن بعد انہوں نے سارہ خان کے والد سے ملاقات کی اس سے قبل سارہ نے انہیں بتایا تھا کہ اگر ان کے والد 15 منٹ سے قبل ملاقات سے اٹھ گئے تو ان کی شادی نہیں ہوسکتی فلک شبیر نے خوشی کا اظہار کرتے ہوئے بتایا کہ انہوں نے سارہ کے والد سے گفتگو کی جو 2 گھنٹے تک جاری رہی اور سارہ کے والد شادی کے لئے راضی ہو گئے –
گوگل ڈاؤن لوڈ فوٹو
فلک شبیر نے سارہ خان کے کام کے حوالے سے بات کرتے ہوئے کہا کہ شادی کے بعد بھی سارہ خان کو شوبز میں کام کرنے سے نہیں روکا جائے گا بلکہ اس کی اپنی مرضی ہوگی کہ وہ اداکاری کے علاوہ گلوکاری بھی کرتیں ہیں تو کریں وہ سارہ خان کے ہر فیصلے میں ان کے ساتھ کھڑے ہوں گے-
سارہ خان اور فلک شیر کی منگنی اور مایوں کی خوبصورت تصا ویر سوشل میڈیا پر وائرل
Leave a reply
