نامورشخصیات نے دنیا میں بھی نام کمایا اورجوحافظ قرآن بھی ہیں!

لاہور:دنیا میں ایسی بھی شخصیات ہیں جوبیک وقت دنیا اورآخرت دونوں میدانوں میں جستجو کرتے نظرآئے ہیں‌، ایسی نا مور شخصیات کے با رے میں بتا رہے ہیں جو اپنی، اپنی فیلڈ میں تو کامیاب ہیں ہی لیکن ان کی قابل ذکر با ت یہ بھی ہے کہ وہ قرآن حا فظ ہیں۔

ذرائع کے مطابق ان شخصیات کو سب ٹی وی سکرین پراور کھیل کے میدان میں تو دیکھتے ہیں لیکن آپ کو ان کی ذاتی زندگی کے بارے زیادہ معلومات کا علم نہیں ہوگا۔

سرفراز احمد

پاکستان کرکٹ ٹیم کو چیمپئنز ٹرافی کا تحفہ دینے والے سابقہ قومی کپتان سرفراز احمد بھی حافظ قرآن ہیں جبکہ سرفرازاکثر اوقات نعت خوانی کا شوق بھی پورا کرتے رہتے ہیں اور رمضان المبارک میں تراویح بھی پڑھاتے ہیں.

محمد حفیظ

پاکستان کرکٹ ٹیم کے آل راﺅنڈر اور کرکٹ میں پروفیسر کے نام سے شہرت حاصل کرنے والے سابق کپتان محمد حفیظ بھی حافظ قرآن ہیں، جن کا تعلق صوبہ پنجاب کے شہر فیصل آباد سے ہے۔

سعید اجمل
کرکٹ کو خیر با د کہنے والےسابق جادو گر آف سپنر سعید اجمل نے بھی قرآن پاک حفظ کررکھا ہے اور ان کا تعلق بھی فیصل آباد سے ہی ہے۔

عمران ہاشمی
بالی ووڈ کے معروف اداکار اور اپنی رومانوی فلموں کی وجہ سے شہرت حاصل کرنے والے ہیرو عمران ہاشمی نے بھی قرآن مجید حفظ کرنے کی سعادت حاصل کررکھی ہے ،اداکار کے والد مسلمان ہیں جبکہ ان کی والدہ معروف ڈائریکٹر مہیش بھٹ کی بہن ہیں۔

قادر خان
اس فہرست میں سب سے پہلے بالی ووڈ فلم انڈسٹری کے معروف اداکار قادر خان کے بارے میں بتاتے ہیں جن کے بارے بہت ہی کم لوگ جانتے ہیں کہ انہوں نے قرآن پاک حفظ کررکھا ہے۔

سعود
پاکستان کے فلم سٹار،میزبان اور ڈرامہ پروڈیوسر سعود قاسمی جن کا تعلق ایک مذہبی گھرانے سے ہےوہ بھی حافظ قرآن ہیں۔
سعود نے ٹی وی ڈراموں کی اداکارہ جویریہ سے شادی کررکھی ہے جبکہ ملک کے معروف نعت خواں قار ی وحید ظفر قاسمی ان کے چچا ہیں۔

شفقت چیمہ
پاکستانی فلم انڈسٹری کا جانا مانا نام اورولن کے کردار سے شہرت حاصل کرنے والے اداکار شفقت چیمہ کوبھی اعزاز حاصل ہےکہ انہوں نے قرآن مجید حفظ کیا ہوا ہے