ہزاروں میل سفر طے کر کے ، حج کے لیے انوکھا انداز اپنانے والے سائیکل سوار دیار حرم پہنچ گئے ، طویل سفر طے کرنے کے بعد جزباتی مناظر دیکھنے کو ملے.
تفصیلات کےمطابق پاکستان سمیت مختلف ملکوں کے سائیکل سوار حج کی ادائی کے لیے 4 ہزار میل کا سفر طے کر کے برطانیہ سے سعودی شہر مدینہ منورہ پہنچ گئے۔
ان سائیکل سواروں نے 17 ملکوں سے گذرنے کے بعد حجاز مقدس کا یہ سفر 60 دن میں طے کیا، جن میں برطانیہ کے سائیکل سوار عازمینِ حج بھی شامل ہیں۔
ارضِ مقدس میں شہرِ نبوی صلی اللّٰہ علیہ وسلم پہنچنے اور اپنے شاندار استقبال پر متعدد سائیکل سواروں کے خوشی کے باعث آنسو رواں ہو گئے اور سب نے ایک دوسرے کو گلے لگ کر مبارک باد بھی دی۔
