جرمنی کے سبکدوش ہونے والے سفیر کی سیکرٹری خارجہ سے الوداعی ملاقات

اسلام آباد:سیکرٹری خارجہ سہیل محمود سے جرمنی کے سبکدوش ہونے والے سفیر برن ہارڈ شلاگیک نے الوداعی ملاقات کی ہے۔تفصیلات کے مطابق سماجی رابطے کی ویب سائٹ ٹوئٹر پر اپنے ایک پیغام میں دفتر خارجہ نے کہا کہ سیکرٹری خارجہ نے پاک جرمن تعلقات کو مزید مضبوط بنانے کے لیے برن ہارڈ کے قابل قدر تعاون کو سراہا ہے۔

ان کا کہنا تھا کہ سیکرٹری خارجہ نے تجارت، سرمایہ کاری اور ٹیکنالوجی کے شعبوں میں دو طرفہ تعلقات کو مذید وسعت دینے کے لیے پاکستان کے عزم کا اعادہ کیا ہے۔

یاد رہے کہ اس سے پہلے آرمی چیف جنرل قمر جاوید باجوہ نے جرمنی کے الوداع ہونے والے سفیر نے ملاقات کی جس میں آرمی چیف نےکہا ہے کہ پاکستان جرمنی سے اپنے تعلقات کو نہایت اہمیت دیتا ہے۔

پاک فوج کے شعبہ تعلقات عامہ ( آئی ایس پی آر ) کے مطابق آرمی چیف جنرل قمر جاوید باجوہ سے سبکدوش ہونے والے جرمن سفیر نے الوداعی ملاقات کی جس میں خطے کی مجموعی سیکیورٹی صورتحال اور دو طرفہ تعاون سے متعلق امور پر بات چیت کی گئی۔

آئی ایس پی آر کا کہنا ہے کہ ملاقات میں آرمی چیف جنرل قمر جاوید باجوہ نے کہا ہے کہ پاکستان جرمنی سے اپنے تعلقات کو نہایت اہمیت دیتا ہے۔پاک فوج کے ترجمان کا کہنا ہے کہ آرمی چیف جنرل قمر جاوید باجوہ نے سبکدوش ہونے والے جرمن سفیر مسٹر برنارڈ سٹیفن کی خدمات کو سراہا