معروف گلوکار اور اداکار فرحان سعید نے کہا ہے کہ جب میںدہلی میں ایک بار شو کرنے کے لئے گیا تو وہاں میں نے پہلے عادت گانا گایا اس کے بعد میں گایا دل دل پاکستان ، میرے ساتھ جو لوگ تھے بینڈ میں وہ سب حیران ہو گئے اور کہا کہ یہ کیا کرنے والے ہو ، ہندوستان میں آکر کہہ رہے ہو دل دل پاکستان جان جان پاکستان ، ایسا کہنے کی کیا ضرورت ہے تو میںنے ان سے کہا کہ مجھے پتہ ہے میں کیا کررہا ہوں، میں نے گانا شروع کیا میں گایا دل دل پاکستان جاں جاں ہندوستان ، اس کے بعد پنڈال میںموجود لوگوںنے تالیاں بجائیں.
لیکن کچھ لوگوں کو سمجھ لگی کہ میں دل دل پاکستان ، جا جا ہندوستان ، مجھے آکر کہنے لگے ہمارے ہی ملک میںکھڑے ہو کر کہہ رہے ہو جا جا ہندوستان ، ”میں ہنسنا شروع ہو گیا ” اس کے بعد میں نے یہ گایا دل دل ہندوستان جاں جاں پاکستان . اس کے بعد ان لوگوں کو سکون ہوا کہ یہ تو واقعتا ہمارے ملک کی تعریف کررہا ہے. انہوں نے کہا کہ یوں وہاں یہ واقعہ ہوا اور میںنے سمجھداری سے اسکو ہینڈل کر لیا .
