گڈاپ میں قائم بیشتر فارم ہاوسز میں پارٹی کی اڑ میں منشیات فروخت کرنا معمول بنتا جارہا ہے نوجوان نسل کو برباد کرنے کے لیئے مختلف محفل سجائی جانے لگی۔چند دن قبل ایس او پیز کی خلاف ورزی کرتے ہوئے پارٹی کا انعقاد ہوا۔پارٹی کی وڈیو سوشل میڈیا پر وائرل ہوئی ، تو پولیس حکام کو ایکشن لینا پڑا۔ایس ایس پی ملیر عرفان بہادر کہتے ہیں فارم ہاوس پر چھاپہ کے دوران ڈانس پارٹی منعقد کرنے والے شخص سمیت 19 افراد کو گرفتار کیا۔
گرفتار افراد میں 7 خواتین بھی شامل ہیں ،
پولیس نے فارم ہاؤس سے شیشہ حقہ، تمباکو اور دیگر سامان تحویل میں لے لیا۔گرفتار افراد حکومت کی جانب سے جاری کئے گئے کورونا ایس او پیز کی خلاف ورزی کے مرتکب ہوئے فارم ہاؤس کو سیل کر دیا گیا ہے۔پولیس نے گرفتار افراد کیخلاف مقدمہ نمبر 219/2021 درج کر لیا۔گرفتار افراد کو تفتیشی حکام کے حوالے کر دیا گیا۔
Shares:
