سابق صدر آصف زرداری کی ہمشیرہ کو جیل حکام ایئر پورٹ پر لینے نہ آئے
باغی ٹی وی کی رپورٹ کے مطابق فریال تالپور پروڈکشن آرڈر پر سندھ اسمبلی کے اجلاس میں گئی ہوئی تھیں آج جب وہ واپس پہنچیں تو جیل حکام ایئر پورٹ پر انہیں لینے نہ آئے جس کے بعد فریال تالپور خود اپنی گاڑی پر جیل پہنچ گئیں.
فریال تالپور کو نیب نے گرفتار کیا تھا بعد ازاں عدالت نے انہیں جوڈیشل ریمانڈ پر جیل بھجوا دیا ہے،فریال تالپور کا پروڈکشن آرڈر ختم ہونے پر انہیں کل جمعہ کو عدالت میں پیش کیا جائے گا
فریال تالپور نے جیل سے باہر جانے کے لئے کیا عدالت سے رجوع
عدالت نے فریال تالپور کو سندھ اسمبلی کے اجلاس میں شرکت کی اجازت دے دی ،عدالت نے حکم دیا کہ اسپیکر سندھ اسمبلی کے آرڈز پر عمل درآمد کیا جائے،.
اسلام آباد ہائیکورٹ نے پروڈکشن آرڈر پر عملدرآمد کے لئے لاہور ہائیکورٹ سے رجوع کرنے کا کہا تھا
واضح رہے کہ جعلی اکاونٹس کیس میں اسلام آباد ہائیکورٹ سے ضمانت مسترد ہونے پر فریال تالپور کو نیب نے گرفتار کیا ہے، نیب نے فریال تالپور کی رہائشگاہ کو سب جیل قرار دیا تھا ، جسمانی ریمانڈ ختم ہونے کے بعد عدالت نے انہیں جیل بھجوا دیا، اب فریال تالپور اڈیالہ جیل میں قید ہیں،
یاد رہے کہ کہ جعلی اکاونٹس کیس میں سابق صدر آصف زرداری نیب کی حراست میں ہیں، اسلام آباد ہائیکورٹ سے ضمانت کی درخواست مسترد ہونے کے بعد نیب نے زرداری ہاوس سے آصف زرداری کو گرفتار کیا تھا، آصف زرداری ریمانڈ پر ہیں. ان سے تحقیقات جاری ہیں، آصف زرداری کی ہمشیرہ فریال تالپورکو بھی نیب نے گرفتار کر رکھا ہے۔
