فریال تالپور کے خلاف نااہلی کی درخواست سماعت کے لیے مقرر ، کب ہو گی سماعت
الیکشن کمیشن میں فریال تالپور کے خلاف نا اہلی کے لیے دائر درخواست دوبارہ سماعت کے لیے مقرر کر دی گئی، ای سی پی درخواست پر سماعت 3 فروری کو کرے گا۔
چیف الیکشن کمشنر کی سربراہی میں 5 رکنی کمیشن کیس کی سماعت کرے گا۔ اس حوالے سے الیکشن کمیشن نے فریقین کو نوٹسز جاری کر دیئے۔ درخواست تحریک انصاف کے ایم پی اے ارسلان تاج اور رابعہ اظفر نے دائر کی تھی۔
ارسلان تاج اور رابعہ اظفر نے فریال تالپور کے خلاف سالانہ گوشواروں میں جائیداد چھپانے پر درخواست دائر کی تھی جس میں کہا گیا کہ فریال تالپور نے اپنے سالانہ گوشواروں میں جائیدادیں ظاہر نہ کرنے پر نا اہل کیا جائے۔
فریال تالپورکی نااہلی کے لیے درخواست پرسماعت ہوئی،درخواست گزارکی عدم پیروی پرپٹیشن خارج کر دی گئی.
یہ بھی پڑھیں
آصف زرداری کی بہن فریال تالپور کو ملی بڑی "خوشخبری” پیپلز پارٹی کا جشن
فارن فنڈنگ کیس، مریم اورنگزیب نے الیکشن کمیشن سے بڑا مطالبہ کر دیا
فارن فنڈنگ کیس،الیکشن کمیشن نے سنایا بڑا فیصلہ
تحریک انصاف اپنی مرضی کے نتائج حاصل کرنا چاہتی ہے، ایسا کس نے کہہ دیا
درخواست گزارایم پی اے ارسلان تاج کی جانب سے کوئی پیش نہ ہوا،فریال تالپور کے وکیل فاروق ایچ نائیک نے الیکشن کمیشن میں جواب جمع کرا دیا،فاروق ایچ نائیک نے الیکشن کمیشن کے دائرہ اختیار پر اعتراض اٹھا دیا،الیکشن کمیشن نے درخواست عدم پیروی پر خارج کر دی،خیال رہے الیکشن کمیشن نے عدم پیروی پر فریال تالپور کے خلاف پہلی نااہلی کی درخواست خارج کر دی تھی۔
