فیشن ڈیزائنر حسین ریحار کے فیشن انڈسٹری میں پانچ سال مکمل

پاکستان فیشن انڈسٹری میں فیشن ڈیزائنرز حسین ریحار کو پانچ سال مکمل ہو گئے ہیں . پانچ سال مکمل ہونے کی خوشی میں انہوں نے ایک برائیڈل کلیکشن متعارف کروائی. پانچ سال مکمل ہونے پر حسین ریحار نے شالیمار باغ میں ایک چھوٹا سا فیشن شو رکھا جس میں نامور ماڈل مایا علی سمیت کراچی سے آئیں دیگر ماڈل نے واک کی. اس تقریب میں گلوکار علی ظفر نے خصوصی طور پر شرکت کی ان کی اہلیہ نے بھی حسین ریحار کا جوڑا زیب تن کرکے واک کی اور میڈیا کی توجہ سمیٹی. فیشن شو میں علی ظفر کی والدہ بھی شریک تھیں . حسین ریحار کی جو برائیڈل

کلیکشن تھی وہ پاکستان کے کلچر کی نمائندگ کررہی تھی ، روایتی لہنگے ، غرارے اور ہیوی دوپٹوں پر مشتمل تھی. اس فیشن شو کی تصاویر سوشل میڈیا پر کافی وائرل ہوئیں. مایا علی نے برائیڈل کلیکشن کا لال رنگ کا جوڑا زیب تن کر رکھا ہے وہ کافی خوبصورت لگ رہی ہیں. یاد رہے کہ حسین ریحار کا شمار ٔٔپاکستان کے ان فیشن ڈیزائنرز میں ہوتا ہے جنہوں نے کم عرصے میں اپنا نام بنایا اور اپنے منفرد کام کی وجہ سے فیشن کے دلدادہ لوگوں کے دلوں میں جگہ بنائی. حسین ریحار ان پانچ برسوں میں ملک کی تقریبا تمام نامور ماڈلز کے ساتھ کام کر چکے ہیں.