دنیا کے تیز ترین گیند بازوں میں کتنے پاکستانی شامل ہیں ؟

دنیائے کرکٹ نے کئی ایسے بلے باز پیدا کیے ہیں کہ جنہوں نے رنز کے انبار لگا دیے اور ریکارڈ پر ریکارڈ بناتے چلے گئے ، لیکن کرکٹ نام ہی سخت مقابلے کا ہے ، ان بلے بازوں کے مقابلے میں ایسے ایسے گیند باز بھی شائقین کرکٹ کی انکھوں نے دیکھے کہ جنہوں نے بلے بازوں کو تگنی کا ناچ نچا دیا ، آج ہم تذکرہ کریں گے اسپیڈ کے ہتھیار سے مکمل طور پر لیس دنیا ئے کرکٹ کے دس گیند بازوں کا ، جنہوں نے اپنی بالنگ سے کئی نامور بلے بازوں کے پسینے چھڑوا دیے ،
1. شعیب اختر (پاکستان)
شعیب اختر نے 43 ٹیسٹ، 163 ون ڈے انٹرنیشنل اور 15 ٹی ٹوئنٹی انٹرنیشنل میں پاکستان کی نمائندگی کی ، شعیب نے ٹیسٹ میں 178، ون ڈے میں 247 اور ٹی ٹوئنٹی میں 19 وکٹیں حاصل کیں، شعیب اختر کے پاس کرکٹ کی تاریخ کی تیز ترین گیند کرنے اعزاز حاصل ہے اور اس کی اسپیڈ 161.3 کلومیٹر فی گھنٹہ ریکارڈ کی گئی تھی ،
2. بریٹ لی (آسٹریلیا)
دنیائے کرکٹ کے دوسرے تیز ترین بولر کا نام بریٹ لی ہے ، بریٹ لی نے 76 ٹیسٹ، 221 ون ڈے انٹرنیشنل اور 25 ٹی ٹوئنٹی انٹرنیشنل میں آسٹریلیا کی نمائند گی کی ، بریٹ لی نے ٹیسٹ میں 310، ون ڈے میں 380 اور ٹی ٹوئنٹی میں 25 وکٹیں حاصل کر رکھی ہیں ، بریٹ لی نے تیز ترین بال کی اسپیڈ 161.1 کلومیٹر فی گھنٹہ ریکارڈ کی گئی،
3. شان ٹیٹ (آسٹریلیا)
کرکٹ کے تیسرے تیز ترین بولر کا نام شین ٹیٹ ہے ، شین ٹیٹ نے 3 ٹیسٹ ، 35 ون ڈے انٹرنیشنل اور 21 ٹی ٹوئنٹی انٹرنیشنل میں آسٹریلیا کی نمائندگی کی ، شین ٹیٹ نے ٹیسٹ میں 5 ، ون ڈے میں 62 اور ٹی ٹوئنٹی میں 28 وکٹیں حاصل کیں، شان ٹیٹ کے پاس برٹ لی کے بعد تیز ترین بال کرنے کا ریکارڈ موجود ہے ، جس کی اسپیڈ 161.1 ریکارڈ کی گئی تھی ،
4. جیف تھامسن (آسٹریلیا)
کرکٹ کے تیسرے تیز ترین گیند باز کا اعزاز آسٹریلوی فاسٹ بولر جیف تھامسن کے پا س ہے، جیف تھامسن نے 51 ٹیسٹ اور 50 ون ڈے انٹرنیشنل میں آسٹریلیا کی نمائندگی کی ، جیف تھامسن نے 160 کلومیٹر فی گھنٹہ کی رفتار سے دنیائے کرکٹ کی چوتھی تیز ترین گیند کی ،
5. اینڈی رابرٹس ( ویسٹ انڈیز)
ویسٹ انڈین انڈین فاسٹ بالر اینڈی رابرٹس نے 47 ٹیسٹ اور 56 ون ڈے میں ویسٹ انڈیز کی نمائندگی کی ، ٹیسٹ میچوں میں 202 جبکہ ون ڈے میں 87 وکٹیں حاصل کیں، اینڈی رابرٹس کو سر کا ایوارڈ بھی دیا گیا اور اب ان کا نام سر اینڈی رابرٹس لکھا جاتا ہے ،
6. فیڈل ایڈورڈز ( ویسٹ انڈیز)
یہ بھی ویسٹ انڈیز کے ہی فاسٹ بولر ہیں جن کے پاس کرکٹ بال کو اینڈی رابرٹس کے تیز ترین کرنے کا ریکارڈ حاصل ہے، فیڈل ایڈورڈرز نے 157.7 کلومیٹر فی گھنٹہ کی اسپیڈ سے بال کی تھی ،
7. مچل جانسن (آسٹریلیا)
ایک اور آسٹریلوی بالر جنہوں نے دنیائے کرکٹ پر اپنا سکہ جمایا ، مچل جانسن نے 73 ٹیسٹ، 153 ون ڈے اور 30 ٹی ٹوئنٹی میں آسٹریلیا کی نمائندگی کی ، جانسن نے ٹیسٹ میں 313، ون ڈے میں 239 اور ٹی ٹوئنٹی میں 38 وکٹیں حاصل کیں، مچل جانسن کی تیز ترین گیند کی اسپیڈ 156.8 کلومیٹر فی گھنٹہ ریکارڈ کی گئی،
8. محمد سمیع (پاکستان)
دنیا کے ٹاپ ٹین تیز ترین فاسٹ بولرز میں شمار کیے جانے والے پاکستان کے دوسرے فاسٹ بولر محمد سمیع ہیں ، محمد سمیع نے 36 ٹیسٹ، 87 ون ڈے انٹرنیشنل اور 13 ٹی ٹوئنٹی میں پاکستان کی نمائندگی کی ، اور نے ٹیسٹ میں 66، ون ڈے میں 85 اور ٹی ٹوئنٹی میں 13 وکٹیں حاصل کیں ، محمد سمیع کی تیز ترین گیند کی اسپیڈ 156.4 کلومیٹر فی گھنٹہ ریکارڈ کی گئی تھی ،