پاکستان کی سابق وزیراعظم بے نظیر بھٹو کی بھتیجی فاطمہ بھٹو کا پی ایس ایل سکس ترانے کے بارے میں کہنا ہے کہ کہ اُنہیں پاکستان سُپر لیگ کے چھٹے سیزن کا آفیشل ترانہ بہت پسند آیا ہے۔
باغی ٹی وی :پاکستان سُپر لیگ (پی ایس ایل) کے چھٹے سیزن کے آفیشل ترانے ’گروو میرا‘ پر جہاں شائقین کرکٹ اور موسیقی کے مداحوں کی جانب سے شدید برہمی کا اظہار کیا جارہا ہے تو وہیں کچھ شخصیات ایسی بھی ہیں جو ’گروو میرا‘ کی خوب تعریفیں بھی کررہی ہیں۔
انہی شخصیات میں فاطمہ بھٹو بھی شامل ہیں جنہیں پاکستان سُپر لیگ کے چھٹے ایڈیشن کا آفیشل ترانہ بھاگیا ہے۔
Personally, I love it – especially Naseebo Lal https://t.co/4jMZU3Uwm7
— fatima bhutto (@fbhutto) February 7, 2021
اس حوالے سے فاطمہ بھٹو نے اپنے تصدیق شدہ ٹوئٹر اکاؤنٹ پر ’گروو میرا‘ کی ویڈیو شیئر کی۔
فاطمہ بھٹو نے ویڈیو لنک شیئر کرتے ہوئے لکھا کہ مجھے ذاتی طور پر یہ ترانہ بہت پسند آیا ہے۔
اُنہوں نے لکھا کہ خاص کر نصیبو لال کی گلوکاری نے اس ترانے میں مزید چار چاند لگائے ہیں۔
https://twitter.com/mahwashajaz_/status/1358488886201249795?s=20
بلاگر مہوش اعجاز نے بھی اپنے ٹوئٹ میں لکھا کہ نہیں بھی نصیبو لال کی گلوکاری کی وجہ سے ترانہ پسند آیا-
واضح رہے کہ پاکستان سپر لیگ (پی ایس ایل) کے آفیشل سانگ ’گروو میرا‘ منظر عام پر آتے ہی سوشل میڈیا پر شائقین کے دلچسپ تبصروں کا موضوع بن گیا تھا۔ جبکہ اس گانے پر میمز بھی بنائے جارہے تھے۔۔
پی ایس ایل 6 کا آفیشل ترانہ سُننے کے بعد زیادہ تر مداحوں نے علی ظفر سے پاکستان سپر لیگ کے لیے دوبارہ گانا ریلیز کرنے کا مطالبہ کردیا ہے۔
پی ایس ایل 6 ترانے کی ریلیز کے بعد علی ظفر سے متعلق ٹوئٹر پر ٹرینڈز
پی ایس ایل ترانے پر تنقید ایک رسم بن گئی ہے ، مہوش حیات اور گوہر رشید ناقدین پر برہم
