مریم بلاول ملاقات، فواد چوہدری بھی میدان میں‌ آ گئے، کہا کروڑوں‌ کی گاڑیوں‌ والے اربوں‌ کی سلطنت جا پہنچے

وفاقی وزیر سائنس وٹیکنالوجی فواد چودھری نے چیئرمین پیپلز پارٹی بلاول بھٹو اور مریم نواز کے درمیان ہونے والی ملاقات پر سخت تنقید کی اور کہا ہے کہ غریبوں کے لیڈرز پرائیویٹ جیٹ سے اترے اور پھر کروڑوں روپے کی بلٹ پروف گاڑیوں میں بیٹھ کر اربوں کی سلطنت میں جا پہنچے۔

فواد چودھری کا مریم نواز اور بلاول زرداری کی میٹنگ پہ تبصرہ#PTI #PMLN #PPP @fawadchaudhryhttps://t.co/djGPK8kKOi

— Siasat.pk (@siasatpk) June 16, 2019

باغی ٹی وی کی رپورٹ کے مطابق فواد چوہدری نے سوشل میڈیا سایٹ ٹویٹر پر اپنے پیغام میں‌ کہاکہ جہاں ڈیزائنر فرنیچر پر تشریف رکھتے ہی فرانس کے پانی سے ان کی تواضع کی گئی۔ اس سب کے بعد سب اپوزیشن لیڈروں نے مہنگائی اور غریبوں کے حالات پر گفتگو کی۔

واضح رہے کہ مریم نواز شریف کی دعوت پر بلاول بھٹو زرداری آج جاتی امراء‌پہنچے اور مریم نواز سے ملاقات کر کے آئندہ مل کر حکومت کے خلاف تحریک چلانے کی حکمت عملی ترتیب دی گئی.