اداکار فواد خان جو پاکستان بھارت سمیت پوری دنیا میں مقبول ہیں ، ان کی حال ہی میں ایک وڈیو وائرل ہو رہی ہے جس میں وہ انڈین گانے پر ڈانس کرتے ہوئے دکھائی دے رہے ہیں. فواد خان انڈین گانے جیہڑا نشہ تیری آکھاں وچوں آوے مینوں، پر ڈانس کررہے ہیں ان کی یہ وڈیو سوشل میڈیا پر وائرل ہو رہی ہے اور فواد خان کو اس گانے پر ڈانس کرتا دیکھ کر ان کے پرستار کافی خوش دکھائی دے رہے ہیں. اس وڈیو سے چند دن قبل بھی فواد خان کی ناردرن ایریاز میں سیر کرتے ہوئے کی وڈیوز سوشل میڈیا پر وائرل ہوئیں. ان وڈیوز میں فواد خان اپنی اہلیہ، بچوں اور دوستوں کے ساتھ پہاڑوں کی سیر کررہے ہیں.
واضح رہے کہ” فواد خان کی بالی وڈ میں بھی بہت دوستیاں ہیں وہاں سونم کپور ، انیل کپور ، دیپیکا سمیت تمام بڑے فنکار فواد خان کی فنی صلاحیتوں کے معترف ہیں”. فواد خان کی کچھ عرصے میں فلم نیلوفر ریلیز ہونے والی ہے، اس میں وہ ماہرہ خان کے ساتھ دکھائی دے رہے ہیں، نیلوفر کے پرڈیوسر خود فواد خان ہیں. دیکنھا یہ ہے کہ ایک بار پھر ماہرہ ور فواد خان کی جوڑی کیا رنگ لاتی ہے.