وزیر جیل خانہ جات پنجاب فیاض الحسن چوہان نے اپنے بیان میں کہا کہ ارناب گوسوامی اور بے اے آر سی سربراہ کی چیٹ نے ایک دفعہ پھر بھارت کا مکروہ چہرہ بے نقاب کر دیا۔ ثابت ہو گیا کہ بھارت اس خطے سمیت عالمی امن کے لیے ایک خطرناک ٹائم بم ہے۔ انڈین اسٹیبلشمنٹ، فوج اور را فالس فلیگ آپریشنز کر کے پاک فوج، آئی ایس آئی پر الزام تراشی کرتی ہے۔
فیاض الحسن چوہان نے مزید کہا کہ حقیقت میں پاکستان کے خلاف بھارت کے تمام دعوے جھوٹ اور بدنیتی پر مبنی ہیں۔بھارتی سپریم کورٹ نے کرنل پروہت اور آر ایس ایس لیڈر سوامی آنند کو سمجھوتہ ایکسپریس واقعے کا ذمہ دار قرار دیا۔انڈین نیشنل انویسٹیگیشن ایجنسی نے اپنی رپورٹ میں پٹھان کوٹ واقعے میں پاکستانی کردار کی تردید کی۔2014 میں کانگریس کے سابق وزیر سلمان خورشید نے اسی نوعیت کی پریس کانفرنس کی۔
انہوں نے بتایا کہ بھارت میں دہشتگردی میں ہمیشہ بی جے پی، آر ایس ایس اور ملٹری اسٹیبلشمنٹ ملوث ہوتی ہے۔ اب ارناب گوسوامی اور بے اے آر سی سربراہ کی چیٹ کے بے نقاب ہونے سے بھارت کے جھوٹ پر مہر ثبت ہو گئی۔ بھارت کی بے بنیاد پاکستان دشمنی اس خطے سمیت تمام دنیا کے لیے خطرہ ہے۔ فیاض الحسن چوہان نے مطالبہ کیا کہ
عالمی برادری، بالخصوص سلامتی کونسل مکر و فریب پر مشتمل اس بھارتی بیانیے کا سختی سے نوٹس لے۔
