ٹیکس گوشوارے جمع کرانے کی تاریخ میں مزید ایک ماہ کی توسیع

اسلام آباد :ٹیکس گوشوارے جمع کرانے کی تاریخ میں مزید ایک ماہ کی توسیع،اطلاعات کےمطابق فیڈرل بورڈ آف ریوینیو (ایف بی آر) نے مالی سال 20-2019 کے ٹیکس گوشوارے جمع کرانے کی تاریخ میں ایک ماہ کی توسیع کردی۔

ایف بی آر کی جانب سے جاری نوٹیفکیشن کے مطابق ٹیکس گوشوارے اب 28 فروری 2020 تک جمع کرائے جاسکتے ہیں۔خیال رہے کہ ٹیکس گوشوارے جمع کرانے کی آخری تاریخ 31 جنوری 2020 تھی۔ ٹیکس گوشوارے جمع کرانے کی تاریخ میں چوتھی مرتبہ توسیع کی گئی ہے۔

یاد رہےکہ اس سے پہلے بھی ایف بی آر کئی مرتبہ ٹیکس گوشوارے جمع کروانے میں رعایت دے چکی ہے تاکہ ٹیکس دہندگان کوکسی قسم کی مشکلات کا سامنا نہ کرنے پڑے