لاہور :ایک طرف ایف بی آر کی طرف سے گوشوارے جمع کرانے کا آخری روز تو دوسری طرف ایف بی آر کا آن لائن سسٹم جواب دے گیا، اطلاعات کے مطابق آئرس سسٹم سست روی کا شکار ہوگیا۔
تفصیلات کے مطابق آج کا دن گوشوارے جمع کروانے والوں کے لیے بہت بھاری گزرا اور گوشوارے جمع کرانیوالے ایف بی آر ، وکلاء کے دفاتر میں انتظار کرنے پر مجبور ہوگئے،
دوسری طرف بڑی تعداد میں اس وجہ سے گوشوارے جمع نہ کرواسکنے والوں نے حکومت سے مطالبہ کیا ہے کہ گوشوارے جمع کرانے کی تاریخ میں توسیع کردی جائے، ہزاروں صوبائی سرکاری ملازمین تاحال ٹیکس گوشوارے جمع کرانے سے محروم ہیں۔
