اسلام آباد:کنٹریکٹ ملازمین کے لیے وفاقی حکومت کی طرف سے خوشی کا پیغام ،کنٹریکٹ ملازمین کو مستقل کرنے کے لیے وفاقی حکومت نے فیصلہ کرلیا
ذرائع کے مطابق وزارتوں اور ڈویژنز کے کنٹریکٹ ملازمین کو مستقل کرنے کیلئے کمیٹی تشکیل دیدی گئی ہے۔سٹیبلشمنٹ ڈویژن نے کمیٹی کی تشکیل کا نوٹیفیکیشن جاری کر دیا ہے جس کے مطابق وزیراعظم کے مشیر ادارہ جاتی اصلاحات کو اس کا سربراہ مقرر کر دیا گیا ہے۔
کنٹریکٹ ملازمین کو مستقل کرنے کے حوالے سے بننے والی اس کمیٹی میں سیکرٹری سٹیبلشمنٹ ڈویژن، سیکرٹری خزانہ، سیکرٹری قانون، سیکرٹری ریلویز، سیکرٹری پاور شامل ہیں جبکہ جوائنٹ سیکرٹری ریگولیشن سٹیبلشمنٹ ڈویژن کو کمیٹی کا سیکرٹری مقرر کر دیا گیا ہے۔
