وفاقی حکومت نے اقتصادی رابطہ کمیٹی کی تشکیل نو کا نوٹی فکیشن جاری کردیا
اسلام آباد : وفاقی حکومت نے اقتصادی رابطہ کمیٹی کی تشکیل نو کا نوٹی فکیشن جاری کردیا ہے اور وفاقی وزیر اقتصادی امور ڈویژن حماد اظہر کو اقتصادی رابطہ کمیٹی (ای سی سی) کا رکن مقرر کرنے کے ساتھ ہی کمیٹی کی تشکیل نو کا نوٹی فکیشن جاری کردیا۔
وفاقی حکومت ذرائع کے مطابق نوٹی فکیشن کے مطابق وفاقی وزیر برائے مواصلات و پوسٹل سروسز مراد سعید اور وفاقی وزیر پیٹرولیم عمر ایوب بھی ای سی سی ارکان میں شامل ہیں۔
اس نوٹی فکیشن کے مطابق وزیر قانون ڈاکٹر فروغ نسیم ، وفاقی وزیر میری ٹائم افیئرز سیّد علی حیدر زیدی اور وزیر نیشنل فوڈ سیکیورٹی اینڈ ریسرچ صاحبزادہ محمد محبوب سلطان بھی ای سی سی کے ارکان میں شامل ہیں۔
وفاقی حکومت سے حکومتی ذرائع کےمطابق وفاقی وزیر برائے منصوبہ بندی، ترقی و اصلاحات مخدوم خسرو بختیار، نجکاری کے وزیر محمد میاں سومرو، وزیر ریلوے شیخ رشید احمد اور آبی وسائل کے وزیر فیصل واڈا بھی ای سی سی کے ارکان کی فہرست میں شامل ہیں۔
