![](https://baaghitv.com/wp-content/uploads/2020/12/WhatsApp-Image-2020-02-10-at-4.07.36-PM-1.jpeg)
پاکستان شوبز انڈسٹری کے معروف اداکار فیروز خان نے اپنی تصویر پر شاعر مشرق علامہ اقبال کی مشہور نظم لکھ کر خود کو اقبال کا شاہین قرار دیا-
باغی ٹی وی :اداکار فیروز خان نے ویڈیو اینڈ فوٹو شئیرنگ ایپ انسٹاگرام پر اپنی نئی تصویر پوسٹ کی ہے جس میں دیکھا جا سکتا ہے کہ وہ کسی پہاڑی علاقے میں موجود ہیں اور فیروز خان نے موسم سرما کی مناسبت سے لباس زیب تن کیا ہوا ہے جبکہ آنکھوں پر کالا چشمہ بھی لگایا ہوا ہے۔
فیروز خان نے اپنی تصویر کے کیپشن میں شاعرِ مشرق علامہ اقبال کی مشہور نظم کے چند سطر کچھ یوں لکھے:
تو شاہین ہے پرواز ہے کام تیرا
تیرے سامنے آسماں اور بھی ہیں
اسی روز شب میں الجھ کر نہ رہ جا
تیرے زمان اور مکاں اور بھی ہیں
گئے وہ دن کہ تنہا تھا میں انجمن میں
اداکار کی جانب سے پوسٹ کی گئی اس تصویر کو صارگین کی جانب سے بے حد سراہا جا رہا ہے جبکہ 20 گھنٹے قبل کی گئی اس پوسٹ پر ایک لاکھ 73 ہزار سے زائد لائکس آچکے ہیں۔
اس سے قبل اداکار فیروز خان نے ویڈیو اینڈ فوٹو شئیرنگ ایپ انسٹاگرام پر جاری اپنی ایک پوسٹ میں مداحوں کو نصیحت کرتے ہوئے کہا تھا کہ جب آپ مرجائیں گے تو لوگ آپ کے گھروں کو اور گاڑیوں کو یاد نہیں کریں گے۔
فیروز خان نے اپنی پوسٹ میں کہا تھا کہ لوگ آپ کو یاد رکھیں گے کہ آپ کس طرح وقت پر ثابت قدمی سے کھڑے رہے۔
اپنی پوسٹ میں اداکار نے مداحوں کو مشورہ دیتے ہوئے لکھا تھا کہ ایک اچھا انسان بنیں نہ کہ اچھے مادہ پرست-
اچھے انسان بنیں نہ کہ اچھے مادہ پرست فیروزخان کی مداحوں کو نصیحت
واضح رہے کہ فیروز خان اور اُن کی اہلیہ گزشتہ دنوں سے خبروں کی زینت بنے ہوئے ہیں اس جوڑی سے متعلق یہ خبریں زیرِ گردش تھیں کہ دونوں کے درمیان علیحدگی ہوگئی ہے تاہم اداکار اور اُن کی اہلیہ نے اس خبر کی کوئی تصدیق نہیں کی تھی-