فی تولہ سونے کی قیمت میں مزید 400 روپے کی کمی
ملک بھر میں سونے کی قیمت تیزی سے نیچے آنے لگی، تولہ سونے کی قیمت میں مزید 400 روپے کی تنزلی ریکارڈ کی گئی۔
بین الاقوامی مارکیٹ میں سونے کی قیمت تیزی ریکارڈ کی گئی، عالمی مارکیٹ میں فی اونس سونے کی قیمت میں رواں ہفتے کے تیسرے کاروباری روز کے دوران 10 امریکی ڈالر کی تیزی ریکارڈ کی گئی جس کے بعد نئی قیمت ایک ہزار 926 امریکی ڈالر ہو گئی ہے۔
دوسری طرف ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، فیصل آباد، سکھر سمیت دیگر جگہوں پر فی تولہ سونے کی قیمت میں 400 روپے کی کمی ریکارڈ کی گئی جس کے بعد سونے کی نئی قیمت ایک 13 ہزار سو روپے ہو گئی ہے۔
دوسری طرف دس گرام سونے کی قیمت میں بھی 343 روپے کی گراوٹ دیکھی گئی اور نئی قیمت 96 ہزار 965روپے ہو گئی ہے۔
دریں اثناء فی تولہ اور دس گرام چاندی کی قیمتوں میں بھی بالترتیب60 روپے اور 51.46 روپے کی کمی ریکارڈ کی گئی۔ جس کے بعد دونوں کی قیمت بالترتیب 1 ہزار 300 اور 1 ہزار 114.54روپے ہو گئی ہے۔
