ایف آئی اے اینٹی کرپشن سرکل اسلام آباد نے ایک بڑی کارروائی کے دوران سی ڈی اے کے چار افسران کو گرفتار کر لیا۔
باغی ٹی وی کے مطابق یہ کارروائی اسلام آباد کے مختلف مواضع میں ایکوائر کی گئی اراضی کی بنیاد پر غیر متعلقہ افراد کو پلاٹ الاٹ کرنے کے معاملے میں کی گئی۔گرفتار ہونے والے ملزمان میں آصف علی خان، امداد علی، علی مصطفی اور ارشد محمود شامل ہیں۔ یہ ملزمان سی ڈی اے میں مختلف اہم عہدوں پر تعینات تھے، جن میں ایڈیشنل ڈائریکٹر، ڈپٹی ڈائریکٹر، اسٹیٹ مینجمنٹ آفیسر اور اسسٹنٹ شامل ہیں۔ایف آئی اے کی تحقیقات کے مطابق، ملزمان نے کرپشن کی بدولت اسلام آباد کے مختلف سیکٹرز میں 43 پلاٹس غیر مستحق افراد کو الاٹ کئے، جس سے اربوں روپے کی بدعنوانی کی گئی۔
ملزمان نے اپنے دیگر ساتھیوں کی ملی بھگت سے یہ پلاٹس غیر متعلقہ لوگوں کو فراہم کیے۔ایف آئی اے نے اس مقدمے میں مجموعی طور پر 46 ملزمان کو نامزد کیا ہے۔ ملزمان کو گرفتار کر کے تفتیش کا آغاز کر دیا گیا ہے، جبکہ دیگر ملزمان کی گرفتاری کے لئے چھاپے مارے جا رہے ہیں۔ترجمان ایف آئی اے نے اس کارروائی کی تصدیق کرتے ہوئے کہا کہ ادارہ کرپشن کے خلاف اپنی کارروائیاں جاری رکھے گا اور اس معاملے میں مزید گرفتاریوں کی توقع ہے۔
فرانسیسی صدرکا محمد بن سلمان سے رابطہ، غزہ اور یوکرین جنگ پر بات چیت
طالبان نے امریکی یرغمالی جارج گلیزمن کورہا کر دیا
کراچی،سگی بیٹی سے زیادتی اور حاملہ کرنیوالے درندہ صفت باپ کو سزا
وزیراعلیٰ سندھ سے آسٹریلوی ہائی کمشنر کی ملاقات، دوطرفہ تعلقات پر تبادلہ خیال
