اسلام آباد: ایف آئی اے سائبر کرائمز نے اسلام آباد میں کورونا ویکسین کے جعلی سرٹیفکیٹ بنانے والے گروہ کے 2 رکن کو گرفتار کرلیا۔
ایف آئی اے کے مطابق ملزم امجد خان کورونا ویکسین کے جعلی سرٹیفکیٹ بنا کر مہنگے داموں فروخت کرتا تھا۔ جعلی ویکسین سرٹیفکیٹ بیرون ملک جانے والے مسافروں کو فراہم کیا جاتا تھا۔
ملزم سرٹیفکیٹ بنا کر آن لائن پیسے وصول کرتا تھا۔ جعلی ویکسین سرٹیفکیٹ کی شکایات این سی او سی سے موصول ہوئی تھی۔
خیال رہے کہ پاکستان سے بیرون ملک جانے کیلئے کورونا ویکسی نیشن سرٹیفکیٹ لازمی قرار دیا گیا ہے۔
کورونا ویکسی نیشن سینٹر سے ڈیٹا نادرا کو ارسال کیا جاتا ہے اور کورونا ویکسی نیشن کا سرٹیفکیٹ نادار سے حاصل کیا جاتا ہے۔ سرٹیفکیٹ کی فیس100 رکھی گئی ہے۔
