فیاض الحسن چوہان کا ایوان سے واک آؤٹ ،ڈپٹی اسپیکر سے ناراضگی کا اظہار، وجہ کیا بنی؟

لاہور: صوبائی وزیر جیل خانہ جات فیاض الحسن چوہان ایوان سے واک آؤٹ کر گئے،ڈپٹی اسپیکر نے فیاض الحسن چوہان کو نقطہء اعتراض پر بولنے نہ دیا-

باغی ٹی وی : تفصیلات کے مطابق فیاض الحسن چوہان پیپلز پارٹی کے حسن مرتضی سے معافی مانگنے کا مطالبہ کر رہے تھے۔

فیاض الحق کا کہنا تھا کہ حسن مرتضی نے پی ٹی آئی پر غلط تنقید کی یہ اس پر معافی مانگیں ،ڈپٹی اسپیکر نے فیاض الحسن کو بات کرنے سے روکا تو وہ احتجاجاً واک آؤٹ کر گئے-

بعد ازاں میڈیا ست گفتگو کرتے ہوئے فیض الحسن نے کہا کہ ا بھی اسمبلی سے واک آؤٹ کر کے باہر آیا ہوں اس کی کیاوجوہات ہیں-

انہوں نے اپنے اس احتجاج کے بارے میں بتایا کہ شیخ راحیل اصغر نے اپنی کالک پورے پنجاب کے عوام کے منہ پر لگائی میرا یہ اسمبلی کا دوسرا دور ہے آج پہلی مرتبہ میں نے واک آؤٹ کیا ہے۔

حسن مرتضی نے پاکستان کی محنت کش طبقے کو کمی کہا میں نے ان کا لطیفہ خاموشی سے سنا میں نے سپیکر سے کہا کہ حسن مرتضی نے لاکھوں ایسے لوگوں کا دل دکھایا ہے جو محنت کش ہیں-

فیاض الحسن کے مطابق میں نے ڈپٹی سپیکر سے کہا کہ حسن مرتضی ان باتوں پر معافی مانگے حسن مرتضی نے ڈھٹائی سے معافی مانگنے سے نہ صرف انکار کیا بلکہ مجھے پوائینٹس آف آرڈر پر بولنے کا بھی موقع نہیں ملا۔

وفاقی وزیر نے کہا کہ میں مطالبہ کرتا ہوں کہ یہ لاڈکانہ والوں کا دور نہیں اس پر معافی مانگی جائے شیخ روحیل اصغر کو کہوں گا کہ بابا بلھے شاہ اور میاں محمد بخش کی سرزمین پر کوئی گالی نکالنے والا نہیں انہوں نے اپنی غلطی کو پورے پنجاب کے سر پر ملنے کی کوشیش کی۔

علی نواز اعوان نے اپنی غلطی کو تسلیم کرتے ہوئے ہنگامہ آرائی کی رات ہی معافی مانگ لی تھی پاکستان میں میراثی فنکار ہیں کوئی کمی نہیں ہے میں حسن مرتضی کو کہوں گا کہ وہ شیخ راحیل اصغر نہ بنیں میری پاکستانیت کو ٹھیس پہنچی ہے میرا احتجاج حسن مرتضی اور ڈپٹی سپیکر کے خلاف ہے-