فیفا ورلڈ کپ میں میسی نے بڑا اعزا اپنے نام کر لیا

میسی ورلڈ کپ مقابلوں میں ارجنٹائن کے لیے سب سے زیادہ 11 گول کرنے والے کھلاڑی بن گئے۔

باغی ٹی وی : ارجنٹائن کے اسٹار فٹ بالر میسی نے ایک اور اعزاز اپنے نام کر لیا سیمی فائنل میں کروشیا کے خلاف گول کرکے ارجنٹائن کی جانب سے ٹاپ اسکورر بن گئے۔

میسی کے فیفا ورلڈ کپ میں گولز کی تعداد گیارہ ہوگئی ہے اب تک کھیلے گئے تمام ورلڈ کپس میں آٹھ پلئیر گیارہ یا اس سے زائد گول کرچکے ہیں۔

میسی کے پاس ورلڈکپ جیتنے کا یہ آخری موقع ہےمیسی کا یہ اپنے کیرئیر کا پانچواں ورلڈ کپ ہے، انہوں نے 2005 میں اپنے بین الاقوامی کیریئر کا آغاز کیا اور اس کے بعد سے وہ ارجنٹائن کے لیے 164 مقابلوں میں حصہ لے چکے ہیں اور 90 گول کے ساتھ ملک کے سب سے زیادہ ریکارڈ سکورر ہیں۔

مراکش کے اسٹار فٹبالر حکیم زیچ نے ساری تنخواہ غریبوں میں بانٹ دی

2005 میں ہنگری کے خلاف میچ میں متبادل کھلاڑی کے طور پر میسی کے بین الاقوامی کیریئر کے آغاز کا دورانیہ صرف دو منٹ تک رہا لیکن انہوں نے فوری طور پر قومی ٹیم کے سیٹ اپ میں اپنے لیے جگہ بنائی اور 2006 میں اپنے پہلے ورلڈ کپ کے لیے جرمنی کا سفر کیا انہوں نے جنوبی افریقہ میں 2010 ایڈیشن، 2014 میں برازیل، جہاں ارجنٹائن فائنل تک پہنچا اور روس میں 2018 میں ٹورنامنٹس کھیلے۔

واضح رہے ارجنٹائن کی فٹ بال ٹیم کے کپتان لیونل میسی نے خود اعلان کیا ہے کہ قطر میں 2022 کا فٹ بال ورلڈ کپ یقینی طور پر ان کے کیریئر کا آخری مقابلہ ہوگا، جبکہ اسٹار فٹ بالر رونالڈو کا بھی ورلڈ کپ جیتنے کا یہ آخری ہی موقع تھا، لیکن وہ کواٹر فائنل میں مراکش سے ہار کر ٹورنامنٹ سے باہر ہو چکے ہیں۔

یاد رہے کہ قطر میں جاری فیفا ورلڈکپ کے پہلے سیمی فائنل میں ارجنٹائن نے کروشیا کو شکست دے کر چھٹی بار میگا ایونٹ کے فائنل کے لیے کوالیفائی کرلیا ہے۔