لالی وڈ اداکارہ میرا نے اپنے حالیہ انٹرویو میں کہا ہے کہ مجھے سمجھ نہیں آتی کہ میرے حوالے سے غلط باتیں کیوں پھیلائی جاتی ہیں، بھئی میں کام کررہی ہوں ، میں نے کام چھوڑا نہیں ہے ، جب کوئی اچھا کام آفر ہو گا میں ضرور کروں گی، ابھی کردار ایسے نہیں مل رہے کہ جس کے لئے میںہاں کر دوں. انہوں نے کہا کہ فلم انڈسٹری کو میری آج بھی ضرورت ہے ، کون کہتا ہے کہ انڈسٹری کو میری ضرورت نہیں ہے. فلمسٹار میرا نے یہ بھی کہا کہ میں فلاحی کام کرنا چاہتی ہوں اس میں مجھے حکومتی مدد کی ضرورت ہے لیکن میرے اس کام کی راہ میں رکاوٹیں کھڑی کر دی جاتی ہیں.
حالانکہ فلاحی کام سے تو بہت سارے لوگوں کی مدد ہوجاتی ہے ، میرا نے کہا کہ” فلمیں میری پہچان ہیں میں ان کو کبھی بھی نہیں چھوڑ سکتی ،” مجھے کچھ فلمیں آفر ہوئیں لیکن میرے پاس وقت کی کمی تھی کر نہ سکی ، جیسے ہی اب کوئی اچھی فلم آفر ہوئی ضرور کروں گی . واضح رہے کہ میرا وہ اداکارہ ہیں جو ہر وقت کچھ نہ کچھ ایسا بول دیتی ہیں جس سے وہ ہیڈ لائنز میں آجاتی ہیں .
