فلم سے لوگ مرعوب نہیں ،نفرت اور مزاحمتی جذبہ پیدا ہو گا،اعتزاز احسن

باغی ٹی وی کی رپورٹ کے مطابق سینئر قانون دان اعتزاز احسن نے سابق وزیراعلیٰ پنجاب پرویز الہیٰ کے گھر کا دورہ کیا ہے

اس موقع پر میڈیا سے بات کرتے ہوئے اعتزاز احسن کا کہنا تھا کہ آئی جی جانتا ہے کہ اس نے نگران حکومت کے ساتھ رخصت ہو جانا ہے ،عمران خان کے گھر جاتے ہیں اُس وقت جب وہ اسلام آباد ہوتا ہے، پرویز اٰلہی کے ساتھ بھی وہی رسم دہرائی گئی ہے ،یہ جو ساری واردات ہے پولیس کی جب چلی ہے تو اس سے لوگوں کو زیادہ آگاہی ملی ہے، اس بربریت اور فاشزم سے حکومت اور اس کے اتحادیوں کو نقصان ہوا ہے، اس فلم سے لوگ مرعوب نہیں ہوں گے،اس کے خلاف نفرت اور مزاحمتی جذبہ پیدا ہو گا،یہ حالات مزید خرابی کا باعث بنیں گے،ان کی منشا ہے کہ یہ مذاکرات سے نکل جائیں،مذاکرات سے نکلنے پر حکومت موقف اپنائے گی کہ یہ مذاکرات سے نکل گئے، یہ عمران خان کو ٹائٹ سپاٹ میں لانا چاہتے ہیں،اس میں منصوبہ تو نہیں ہے جس سے کچھ حاصل کرنا ہے،اگر 2 مئی کو ادھر سے بائیکاٹ ہو جائے تو سارا 14 مئی کے انتخابات کا حکم متاثر ہو گا، الیکشن کمیشن کہہ رہا ہے کہ ہمارے پاس کاغذ نہیں ہیں، یہ کوشش کر رہے ہیں کہ عدالت کو مجبور کر دیں کہ نوے دن کیلئے انتخابات ملتوی کروا دیں،

اعتزاز احسن کا کہنا تھا کہ لاہور ہائیکورٹ سے ضمانت موجود تھی لیکن پولیس کو خبر نہیں تھی، اگر ہائیکورٹ کا حکم اعلان ہو جائے تو وہ لکھنے کی ضرورت نہیں، عدالت عظمی کا عدالت عالیہ کا حکم پر ہر کوئی پابند ہوتا ہے اگر وہ اعلان کر دیا جائے،اگر سپریم کورٹ اپنے آرڈر کو خود نہیں بدلتی تو پھر الیکشن 14 مئی کو ہی ہوں گے،میری پرویز الہٰی سے ملاقات نہیں ہوئی کیونکہ وہ گھر پر موجود نہیں سرکاری مشینری ٹیکس دہندہ عوام کے ماتحت ہونی چاہئیے یہ سوال تو قیام پاکستان سے پہلے سے پوچھا جا رہا ہے جب تک شہری ریاست جبر کی مشینری کو اپنے ماتحت نہیں کرتے ایسا ہوتا رہے گا،میں تو کافی عرصے سے کہہ رہا ہوں اسٹیبلشمنٹ کبھی نیوٹرل نہیں ہوتی،چوہدری پرویز الٰہی کے گھر ضمانت کے باوجود انکے گھر چھاپہ مارا گیا ،حکومت نے آرڈر دے دیا اس کے آرڈرز کی کاپی آئے بغیر صرف احکامات پر ہی عملدرآمد کرنا ضروری ہے،جو ساری کاروائی جو ہوئی ہے اس پر کاروائی ہو سکتی ہے،

پولیس چھاپہ،کوئی نہ آیا، پولیس کے جاتے ہی پرویز الہیٰ سے یکجہتی کیلئے گھر کا دورہ

اس بار تو پولیس نے آپ پر ڈکیتی کی دفعہ بھی لگا دی ہے

پرویزالہٰی کی حفاظتی ضمانت پر تحریری فیصلہ 

،عدالت نے دو ملزمان کے خلاف مقدمہ ختم کر دیا 

تحریک انصاف کے‌صدر چودھری پرویز الہیٰ کے خلاف ایک اور مقدمہ درج کر لیا گیا ،پولیس کی جانب سے سابق وزیراعلیٰ پنجاب پرویز الٰہی کے خلاف مقدمہ درج کیا گیا ہے، پرویز الہٰی کے گھر پر چھاپے کے دوران مزاحمت کرنے پر پولیس نے پرویز الہٰی سمیت 50 سے زائد نامعلوم افراد کے خلاف مقدمہ درج کرلیا مقدمہ انسپکٹر اینٹی کرپشن کی مدعیت میں درج کیا گیا،