فردوس عاشق اعوان کو اہم ٹاسک مل گیا،پنجاب کے وزراء نے بھی سر پکڑ لیا

فردوس عاشق اعوان کو اہم ٹاسک مل گیا،پنجاب کے وزراء نے بھی سر پکڑ لیا

باغی ٹی وی کی رپورٹ کے مطابق وزیراعلیٰ پنجاب کی معاون خصوصی اطلاعات فردوس عاشق اعوان کو آتے ہی ٹاسک مل گیا

وزرا کے محکموں کی کارکردگی عوام کے سامنے لانے کا فیصلہ کیا گیا ہے،پنجاب میں جو جو وزرا میڈیا کے سامنے آنے سے ہچکچاہٹ محسوس کرتے ہیں ان کو ٹریننگ دی جائے گی،ہر ضلع میں ڈیجیٹل نیٹ ورک کے ذریعے وزرا اور متعلقہ محکموں کی کارکردگی عوام کے سامنے رکھی جائے گی

فردوس عاشق اعوان کا کہنا ہے کہ جتنی وزارتیں ہیں ان کی نیٹ ورکنگ کرنے جار رہے ہیں،سب عوام کو جواب دے ہیں،اب چھپا چھپائی والا سلسلہ ختم ہوگا،

فردوس عاشق اعوان کی تعیناتی کے بعد پنجاب کے وزراء نے بھی میڈیا پر آنے کی تیاریاں شروع کر دی ہیں،وزیراعظم عمران خان کئی بار ہدایت کر چکے ہیں کہ حکومت کی کارکردگی عوام کے سامنے لائی جائے لیکن وزراء میڈیا پر آنے سے گریز کر رہے تھے،اب فردوس عاشق اعوان وزراء کو باقاعدہ اجلاس میں ٹریننگ دیں گی اور انہیں اس بات پر زور دیں گی کہ وہ میڈیا پر آ کر خود اپنی کارکردگی بیان کریں

فردوس عاشق اعوان کو تین روز قبل پنجاب میں مشیر اطلاعات تعینات کیا گیا ہے، اس سے قبل وہ وفاقی مشیر اطلاعات تھیں،