فردوس عاشق اعوان کی تعیناتی کے خلاف درخواست،عدالت نے کونسی استدعا کی منظور؟
باغی ٹی وی کی رپورٹ کے مطابق لاہور ہائیکورٹ میں مشیر وزیر اعلی فردوس عاشق اعوان کی تعیناتی کے خلاف درخواست پر سماعت ہوئی
عدالت نے متفرق درخواست منظور کرلی۔ کچھ دستاویزات کو ریکارڈ کا حصہ بنانے کی اجازت دے دی۔ عدالت نے سماعت آئندہ سوموار تک ملتوی کر دی ،عدالت نے گزشتہ سماعت پر درخواستگزار کو سپریم کورٹ کا فیصلہ لف کرنے کی ہدایت کی تھی
چیف جسٹس قاسم خان نے چودھری محمد ظفر اقبال کی درخواست پر سماعت کی ، درخواست میں وفاقی حکومت، وزیراعلیٰ پنجاب، چیف سیکرٹری اور فردوس عاشق اعوان کو فریق بنایا گیا ہے درخواستگزارنے کہا کہ فردوس عاشق اعوان کی بطور مشیر وزیراعلی پنجاب تعیناتی اعلیٰ عدلیہ کے فیصلے کی خلاف ورزی ہے۔سپریم کورٹ نے جسٹس قاضی فائز عیسیٰ کے خلاف ریفرنس میں فردوس عاشق اعوان کا ذکر کیا، فردوس عاشق اعوان کے ریمارکس کو بھی توہین عدالت کے مترادف قرار دیا گیا۔
درخواستگزار نے کہا کہ سپریم کورٹ کے 10 رکنی بنچ نے جسٹس قاضی فائز عیسی کیس کا فیصلہ سنایا تھا، وفاقی حکومت کو فردوس عاشق اعوان کے خلاف کارروائی کا حکم دیا جائے، فردوس عاشق اعوان کی بطور مشیر خاص تعیناتی کو کالعدم قرار دے کر کام کرنے سے روکا جائے،
فردوس عاشق اعوان کو پنجاب میں مشیر اطلاعات تعینات کیا گیا ہے، اس سے قبل وہ وفاقی مشیر اطلاعات تھیں
فردوس عاشق اعوان "فارغ” سابق ڈی جی آئی ایس پی آر وزیراعظم کے معاون برائے اطلاعات مقرر
فردوس عاشق اعوان نے دفعہ 144 کو پاؤں تلے روند دیا،سماجی فاصلہ بھی صرف دوسروں کے لئے
فردوس عاشق اعوان کی تعیناتی کے بعد پنجاب کے وزراء نے بھی میڈیا پر آنے کی تیاریاں شروع کر دی ہیں ،وزیراعظم عمران خان کئی بار ہدایت کر چکے ہیں کہ حکومت کی کارکردگی عوام کے سامنے لائی جائے لیکن وزراء میڈیا پر آنے سے گریز کر رہے تھے،اب فردوس عاشق اعوان وزراء کو باقاعدہ اجلاس میں ٹریننگ دیں گی اور انہیں اس بات پر زور دیں گی کہ وہ میڈیا پر آ کر خود اپنی کارکردگی بیان کریں
Leave a reply
