آگ کا عذاب ، 9 ہزار سے زائد مقامات پر آگ بھڑک اٹھی ، کئی ملکوں تک دھواں چھاگیا ، بڑے نقصان کا اندیشہ

برازیل : آگ کا عذاب کہیں تو بے جا نہ ہوگا ، اطلاعات کے مطابق دنیا کے سب سے بڑے رین فارسٹ ایمازون میں 9 ہزار سے زائد مقامات پر آگ لگ گئی، دنیا بھر میں تشویش کی لہر، سوشل میڈیا سمیت دنیا بھر مین ایمازون کے تحفظ کے لئے دعائیں کی جا رہی ہیں۔

عالمی ذرائع ابلاغ اس آگ کی حدت سے متعلق معلومات دیتے ہوئے بتارہے ہیں کہ آگ کے باعث لاطینی امریکا کے کئی ممالک پر دھوائیں کے بادل چھا گئے ہیں جبکہ پروازیں بھی منسوخ ہیں، برازیلین صدر کے دور صدارتی میں ترقیاتی پالیسیوں کے باعث ایمازون کے جنگلات کو شدید نقصان پہنچا ہے، جس کی وجہ سے این جی اوز انہیں شدید تنقید کا نشانہ بناتی ہیں۔

یاد رہے کہ ایمازون کے جنگلات میں بڑھکنے والی آگ سے متعلق اس وقت سوشل میڈیا پر دنیا بھر میں ایمازون ٹاپ ٹرینڈ ہے۔ سوشل میڈیا پر ایمازون میں زندہ جل جانے والے جانوروں کی تصاویر شیئر کی جا رہی ہیں۔ سائنسدانوں کا کہنا ہے کہ عالمی حدت بڑھنے کی وجہ سے یہ سب کچھ ہو رہا ، رواں سال 83 فیصد زیادہ آگ لگنے کے واقعات ہوئے ہیں۔