نامعلوم افراد نے فائرنگ کرکے موٹر سائیکل سوار کو قتل کردیا
فیصل آباد۔ فیصل ۱باد کے بارونق علاقہ کشمیر پل کینال روڈ پر گرڈسٹیشن کے قریب نامعلوم افراد نے موٹر سائیکل سواروں پر فائرنگ کردی جس کے نتیجہ میں 55سالہ موٹر سائیکل سوار ظفرعلی موقع پرہی دم توڑ گیا جبکہ31سالہ رضوان حید رولد محمد اسلم شدید زخمی ہوا۔واقعہ کی اطلاع ملنے پر ریسکیو اور پولیس کی ٹیمیں جائے وقوعہ پرپہنچ گئیں اور جاں بحق و زخمی کو ہسپتال منتقل کیا۔دریں اثناپولیس نے جائے وقوعہ سے شواہداکٹھے کرکے تفتیش کاآغاز کردیاہے۔پولیس حکا م نے بتایا کہ ابتدائی تفتیش سے معلوم ہوا ہے کہ وقوعہ پرانی خاندانی دشمنی کا شاخسانہ ہے۔انہوں نے بتایا کہ مقتول و زخمی ہونیوالے افراد فیصل آباد میں پیشی بھگت کرواپس جارہے تھے کہ مخالفین کی گولیوں کا نشانہ بن گئے۔انہوں نے بتایاکہ وقوعہ کے حوالے سے مزید تفصیلات حاصل کی جارہی ہیں۔
