کوئٹہ میں ایئر پورٹ روڈ پرعالمو چوک کے قریب نامعلوم افراد کی فائرنگ سے سپریم کورٹ کے وکیل رزاق شر جاںبحق ہوگئے۔
باغی ٹی وی فائرنگ کے واقعہ کے بعد وکیل کی لاش سول اسپتال منتقل کردی گئی سپریم کورٹ کے وکیل پر قاتلانہ حملے کے بعد پولیس جائے وقوعہ پر پہنچی اور شواہد اکھٹے کیے۔
ایم ڈی پی ٹی وی کیس: درخواست گزاروں کو وکلا تبدیل کرنے کی اجازت
پولیس کا کہنا ہے کہ واقعہ کی تمام پہلوؤں سے تحقیقات کرکے ملزمان کو قانون کے کٹہرے میں لایا جائے گا۔ ایئرپورٹ روڈ پر عالمو چوک کے قریب فائرنگ کے فوراً بعد علاقے میں خوف و ہراس پھیل گیا۔
وزیراعلیٰ بلوچستان نے سپریم کورٹ کے وکیل کے قتل کا نوٹس لیتے ہوئے آئی جی پولیس سے واقعہ کی رپورٹ طلب کرلی۔
9 مئی واقعات: پنجاب میں نظربند افرادکی فہرست پیش
عبد القدوس بزنجو نے عبدالرزاق ایڈووکیٹ کے جاں بحق ہونے پر اظہار افسوس کرتے ہوئے کہا کہ تمام پہلؤوں کا جائزہ لے کر فوری رپورٹ پیش کی جائے، ملوث عناصر کو جلد قانون کے کٹہرے میں لایا جائے۔
وزیراعظم کے معاون خصوصی عطا تارڑ نے پریس کانفرنس کرتے ہوئے کہا ہے کہ یہ انتہائی افسوسناک ہے کہ عبدالرزاق جو بار کے بڑے سرگرم رکن تھے اور عمران خان کے خلاف جو سنگین غداری کا مقدمہ ہے اسکے درخواستگزار اور وکیل بھی تھے آج بہت سفاکانہ طریقے سے کوئٹہ ایئر پورٹ روڈ کے پاس ٹارگٹ کلنگ نے نتیجے میں وہ شہید ہوئے ہیں عبدالرزاق کا قتل انصاف کا قتل ہے کہ اب آپ نے وکیلوں کی ٹارگٹ کلنگ شروع کردی صرف اس لیے کہ وہ سنگین غداری کے مقدمے میں آپکے خلاف اپنا کردار ادا کررہے تھے آرٹیکل 5 اور 6 کے حوالے سے پیروی کررہے تھے.اس کا مقدمہ عمران نیازی کے خلاف درج ہوگا اور مکمل تفتیش ہوگی
عطا تارڑ کا کہنا تھا کہ عمران خان نے اپنے خلاف سنگین غداری کا مقدمہ کرنے والے وکیل کو قتل کروایا، اس کیس کی کل سماعت ہونا ہے، اور امکان ہے کہ عمران خان کیخلاف آرٹیکل 5 اور آرٹیکل 6 کا فیصلہ آجائے. لیکن سماعت سے ایک دن پہلے وکیل کو قتل کروا دیا گیا ، مقدمے میں نامزدگی کے بعد گرفتاری مطلوب ہوئی تو وہ بھی ہوگی، وکیل کو صرف اس لئے قتل کیا گیا کہ وہ عمران خان کے خلاف غداری کا مقدمہ لڑ رہا تھا- اُس کی کوئی دُشمنی یا لین دین کا چکر نہیں تھا، اس کے خُون کے پیچھے عمران کے ہاتھ رنگے ہوئے ہیں ،تحریک انصاف ایک عسکریت پسند اور دہشتگرد جماعت ہے،نو مئی کے پر تشدد واقعات میں ملوث افراد کیخلاف ناقابل تردید ثبوت موجود ہیں آپ نے ایک وکیل اور ایسے شخص جس کی بار میں عزت تھی اس کی ٹارگٹ کلنگ کرائی، 9 مئی کو جو کچھ ہوا وہ بھی اس جماعت کے دہشتگردوں نے کیا،
پاکستان بار کونسل نے کوئٹہ میں ایڈووکیٹ عبد الرزاق کے قتل کی شدید مذمت کی ہے اورکہا ہے کہ بلوچستان میں قانون نافذ کرنیوالے ادارے شہریوں اور خاص طور پر وکلا کو تحفظ فراہم کرنے میں مکمل ناکام ہوچکے ہیں،قانون نافذ کرنیوالے ادارے صوبے میں ٹارگٹ کلنگ کنٹرول کرنے میں بھی ناکام ہو چکے ہیں ،پاکستان بار کونسل نے مطالبہ کیا ہے کہ وزیراعلیٰ بلوچستان واقعہ کی آزادانہ تحقیقات کر کے واقعہ میں ملوث افراد کو مثالی سزا دیں، صوبائی حکومت مستقبل میں ایسے واقعات کی روک تھام کرے شہریوں اور خاص کر وکلا کو سکیورٹی فراہم کرے،