فضائیہ ہاؤسنگ اسکیم اسکینڈل، عدالت نے کیا برہمی کا اظہار، دیا بڑا حکم

فضائیہ ہاؤسنگ اسکیم اسکینڈل، عدالت نے کیا برہمی کا اظہار، دیا بڑا حکم
باغی ٹی وی کی رپورٹ کے مطابق سندھ ہائیکورٹ میں فضائیہ ہاؤسنگ اسکیم اسکینڈل کیس کی سماعت 13فروری تک ملتوی کر دی گئی، وزارت قانون اوردیگرفریقین نےجواب جمع کرانے کے لیےعدالت سےمہلت مانگ لی.

سندھ ہائیکورٹ اسسٹنٹ اٹارنی جنرل عرفان عزیزمیمن پربرہم ہوئی، عدالت نےعرفان عزیزمیمن کوجواب کےہمراہ پیش ہونے کاحکم دےدیا، عدالت نے کہا کہ کیس میں وفاقی حکومت کی غیر سنجیدگی سمجھ سےبالاترہے،عرفان عزیزمیمن آئندہ سماعت پرضروری دستاویزات اور تیاری کےساتھ پیش ہوں،

قبل ازیں فضائیہ ہاؤسنگ اسکیم کے معاملے پر نیب حکام نے میکسم مارکیٹنگ کمپنی کے دفترپرچھاپہ مارا ،نیب نے میکسم مارکٹنگ کمپنی سے تنویراوربلال کوگرفتار کرلیا.نیب نے میکسم مارکیٹنگ کمپنی سے اہم دستاویزات قبضے میں لے لیں،نیب کراچی نے فضائیہ ہاؤسنگ اسکیم کے خلاف تحقیقات کا آغاز کررکھا ہے،

نیب کراچی نے ‘فضائیہ ہاؤسنگ اسکیم’ کے خلاف درخواست پر تحقیقات کا آغاز کردیا۔متاثرین کی تعداد 6 ہزار ہے جنہوں نے اسکیم میں تقریباً 13 ارب روپے لگائے گئے تھے۔ متاثرین کا کہنا ہے کہ چار سال سے ان کے ساتھ دھوکہ کیا جارہا ہے اور انہیں نا تو پلاٹ نہ رقم واپس کی جارہی ہے۔

نیب کراچی کا کہنا تھا کہ چیئرمین نیب جسٹس ریٹائرڈ جاوید اقبال کی ہدایت پر نئی انکوائری کا آغاز کیا گیا ہے اور انہوں نے جلد انکوائری مکمل کرنے کی ہدایت کی ہے۔بیان میں کہا گیا کہ نیب کراچی جلد از جلد یہ انکوائری مکمل کرنے کے لیے پرعزم ہے اور اس میں ملوث تمام افراد کو احتساب کے کٹہرے میں لایا جائے گا۔