لاہور: دھند اور سموگ کے باعث ائیر پورٹ بند،فلائٹ آپریشن متاثر

لاہور اور گردونواح میں دھند اور اسموگ کے باعث فلائٹ آپریشن بری طرح سے متاثر ہو گیا-

باغی ٹی وی : لاہورایئرپورٹ کے اطراف شدید دھند کے باعث حدنگاہ 50 میٹر رہ گئی لاہور ایئرپورٹ کو دھند کے باعث رات 8 بجے بند کیا گیا تھا دھند کے باعث لاہور سے 5 پروازوں کی آمدورفت منسوخ کی گئیں جبکہ 17 فلائٹس کے اوقات کارتبدیل کیے گئے۔

لاہور سے گلگت جانےوالی پرواز پی کے609 اور گلگت سے آنےو الی پرواز پی کے 610 کو منسوخ کردیاگیا شارجہ سے آنیوالی پرواز پی کے 186 اورکراچی جانے والی پرواز پی کے 303 کو بھی منسوخ کردیاگیا۔

شارجہ جانے والی پرواز پی اے 412 اور ابوظہبی جانیوالی پرواز پی اے 430 بارہ بجے روانہ ہوگی ، قطرایئر لائنز پرواز کیو آر 621 سوا بارہ بجے روانہ ہو گی ،ٹورنٹو جانیوالی پرواز دوپہر 2 بجے لاہور سے روانہ ہوگی-

استنبول لندن جانیوالی برٹش ایئر کی پرواز بی اے 258 دوپہر سوا ایک بجے روانہ ہوگی ،لندن جانیوالی برٹش ایئر کی پرواز بی اے 258 دوپہر سوا ایک بجے روانہ ہوگی جبکہ ترکش ایئرویز کی پرواز ٹی کے 714 سوا 4 بجے لاہور پہنچے گی-

ترجمان پی آئی اے کے مطابق ایئرلائنز انتظامیہ نے فلائٹس کی منسوخی اور تاخیر سے متعلق مسافروں کو پیشگی اطلاع کردی تھی۔