پنجاب کے میدانی علاقوں میں شدید دھند، محتاط ڈرائیونگ کی ہدایت؛ جبکہ کسی بھی قسم کی مدد کیلئے ہیلپ لائن نمبر 130 بھی جاری.
پنجاب کے میدانی علاقوں میں 26 نومبر بروز ہفتے کی صبح سے دھند کا راج ہے، جہاں حد نگاہ متاثر ہونے پر موٹر وے کو کئی مقامات سے بند کیا گیا۔ موٹر وے پولیس کے مطابق موٹر وے ایم ٹو کو لاہور سے شیخوپورہ تک شدید دھند کی وجہ سے بند کیا گیا۔ ترجمان موٹر وے پولیس کے مطابق لاہور سیالکوٹ موٹروے کو مرید کے سے سمبڑیال دھند کی وجہ سے بند کیا گیا. پولیس کی جانب سے لوگوں کو ہدایت کی گئی ہے کہ روڈ یوزرز آگے اور پیچھے دھند والی لائٹس کا استعمال کریں اور غیر ضروری سفر سے گریز کریں، جب کہ تیز رفتاری سے پرہیز کر یں اور اگلی گاڑی سے مناسب فاصلہ رکھیں۔
مزید یہ بھی پڑھیں؛
کارکنان کو آج کے جلسہ کیلئے پی ٹی آئی رہنماء منتے ترلے کرنے لگے
ہمارے ڈراموں کی کہانیاں گھٹیا ہیں جس میں رونا دھونا دکھایا جاتا ہے عفت عمر
دا لیجنڈآف مولا جٹ کی کامیابی کا فائدہ دوسری پاکستانی فلموں کو بھی ہو گا
ترجمان کا کہنا ہے کہ روڈ یوزرز معلومات اور مدد کے لیے ہیلپ لائن 130 سے رابطہ کریں۔ موٹروے پولیس کی ہمسفر ایپ سے بھی معلومات حاصل کی جاسکتی ہیں۔ دوسری جانب حافظ آباد اور گرد و نواح میں بھی دھند کا راج ہے، جہاں حد نگاہ انتہائی کم ہوگئی جس سے ٹریفک کی روانی متاثر ہوئی ہے۔ ترجمان موٹر وے پولیس کا یہ بھی کہنا ہے کہ فوگ لائٹس کا استعمال اور تیز رفتاری سے گریز کریں۔ یہاں یہ بات بھی قابل ذکر ہے کہ دنیا کے آلودہ ترین شہروں میں لاہور کا آج بھی پہلا نمبر، جب کہ بھارتی شہر کولکتہ دوسرے نمبر پر موجود ہے۔ ایئرکوالٹی انڈیکس کے مطابق بنگلادیش کا دارالحکومت ڈھاکا آلودہ ترین شہروں میں چوتھے اور کراچی نویں نمبر پر موجود ہے۔
