ٹبہ سلطان پور : رمضان کادوسرا عشرہ،دکانداروں نے خود سے تمام اشیاء کے نرخ دگنے کردئے

ٹبہ سلطان پور،باغی ٹی وی (نامہ نگار ) ٹبہ سلطان پور شہر اور گردونواح میں دوسرے عشرے میں بھی دکانداروں نے تمام اشیاء کی قیمتوں میں دوگنا اضافہ کر دیا, سبزی اور فروٹ عوام کی دسترس سے دور ہو گئے ہیں جبکہ پرائس کنٹرول مجسٹریٹس آٹا تقسیم میں مصروف ہیں, رمضان المبارک شروع ہوتے ہی سبزی اور پھلوں کی قیمتوں میں دکانداروں نے کئی گنا اضافہ کر دیا, چند ہی دنوں میں تمام اشیاء خورد و نوش کی قیمتیں آسمان سے باتیں کر رہی ہیں, شہریوں نے ضلعی انتظامیہ سے مطالبہ کیا ہے کہ شہر ٹبہ سلطان پور میں من مانی قیمتوں کو کنٹرول کیا جائے, اور پرائس کنٹرول مجسٹریٹس کو پابند کیا جائے کہ وہ ریٹ لسٹ کے مطابق اشیاء کی قیمتیں یقینی بنائیں تاکہ عوام کو رمضان المبارک میں ریلیف مل سکے.