مظفرآباد :تحریک آزادی کشمیر کے سرگرم رہنما:سابق صدر و وزیراعظم آزادکشمیر سردار سکندر حیات قضائے الٰہی سے وفات پا گئے ،اطلاعات کے مطابق سابق صدر و وزیراعظم آزاد کشمیر سردار سکندر حیات خان قضائے الٰہی سے وفات پاگئے ہیں
اس حوالے سے سردار سکندر حیات کے اہلخانہ نے ان کی وفات کی تصدیق کی ہے، وہ عارضہ قلب کے باعث اسپتال میں زیر علاج تھے۔
خیال رہے کہ سردار سکندر حیات خان آزاد کشمیر کے صدر اور 2 بار وزیراعظم رہے ہیں۔
وفاقی وزیر اطلاعات فواد چوہدری نے سردار سکندر حیات خان کے انتقال پر اظہار افسوس کرتے ہوئےکہا ہےکہ سردار سکندر حیات نےمقبوضہ کشمیر میں بھارتی بربریت کے خلاف آواز بلند کی۔
فواد چوہدری کا کہنا ہےکہ سردار سکندر حیات نےہمیشہ اصول پرستی اور حق کی سیاست کا علم بلند رکھا۔
سردار سکندرحیات کی نمازجناب کب اورکہاں ادا کی جائے گی اس حوالے سے خاندانی ذرائع کا کہنا ہے کہ مشاورت جاری ہےجلد ہی میڈیا کے ذریعے اطلاع کردی جائے گی
