گھوٹکی ٹرین حادثے میں شیخوپورہ کے چار افراد لقمہ اجل

شیخوپورہ (محمد فہیم شاکر سے )گھوٹکی ٹرین حادثہ میں جان کی بازی ہارنے والے شیخوپورہ کے ایک ہی خاندان کے چار افراد بھی شامل چاروں افراد کی لاشیں گھر پہنچنے پر کہرام مچ گیا،ورثاء دھاڑئے مار مار کرروتے رہے،شوہر اہلیہ اوردونوں بیٹیوں کو آہوں اور سسکیوں کے ساتھ لمب والے قبرستان میں سپر د خاک کردیا گیا
بدقسمت خاندان کے افراد دودن بعد سالی کی ہونے والی شادی میں شمولیت کے لیے ایک سال بعد شیخوپورہ واپس اپنے گاؤں آرہے تھے کہ ٹرین حادثہ میں جان بحق ہوگئے خوشیوں والے گھر میں صف ماتم بچھ گئی۔تفصیلات کے مطابق متوفی آصف اپنی بیوی رمضانہ بی بی اور دوکمسن بیٹیوں ساڑھے تین سالہ میرب اورر سات سالہ نورفاطمہ کے ساتھ عرصہ ایک سال سے کراچی میں رہایش پذیر تھا آصف لکڑی کا کام کرتا تھا اور اپنے بیوی بچوں کے پیٹ پالنے کے لیے کراچی میں ہی عارضی رہایش پذیرتھا جو دو روز بعد شیخوپورہ میں اپنی سالی کی شادی میں شمولیت کے لیے گھر واپس آرہے تھے کہ ٹرین حادثہ کا شکار ہوگئے

چاروں کی لاشیں شیخوپورہ میں پہنچنے کے بعد نماز جنازہ ادا کردی گئی ہیں،بچوں کے دادا دادی اورعزیزواقارب پر اچانک ٹوٹنے والی قیامت کے بعد علاقہ میں سوگ کا عالم ہے۔