فرانس کے جنوبی شہر مارسیلی میں واقع روسی قونصل خانے پر دھماکہ خیز مواد سے حملہ کیا گیا۔
غیر ملکی میڈیا کے مطابق پولیس کا کہنا ہے کہ قونصل خانے کے احاطے میں دھماکہ خیز مواد سے بھری 3 بوتلیں پھینکی گئیں جن میں سے 2 دھماکے سے پھٹ گئیں۔ یہ بوتلیں قونصل خانے کے باغیچے میں گریں اور ماہرین ان کے مواد کا تجزیہ کر رہے ہیں۔ اس واقعے کے بعد قونصل خانے کے عملے کو کچھ دیر کے لیے عمارت کے اندر ہی رہنے کی ہدایت کی گئی اور اس دوران بم ڈسپوزل اسکواڈ نے علاقے کا معائنہ کیا.تاہم اس حملے میں کسی جانی نقصان کی اطلاع نہیں ملی۔
دوسری جانب روس نے اس حملے کو دہشت گردی قرار دیتے ہوئے فرانس سے سکیورٹی اقدامات کے حوالے سے وضاحت طلب کی ہے۔روس کی سرکاری نیوز ایجنسی تاس کے مطابق روسی حکام نے فرانس سے مکمل تحقیقات کا مطالبہ بھی کیا ہے۔روسی وزارت خارجہ کی ترجمان نے کہا کہ مارسیلی میں روسی قونصل خانے کے احاطے میں ہونے والے دھماکے میں دہشت گردی کے تمام آثار موجود ہیں۔
فرانسیسی حکام نے تحقیقات کا آغاز کر دیا ہے تاہم اس حملے کے پس پردہ مقاصد اور ملزمان کے بارے میں ابھی تک کوئی تفصیلات سامنے نہیں آئیں۔فرانسیسی حکومت کی جانب سے بھی اس حملے کی مذمت کی گئی ہے۔
”شالا وسدا روے پنجاب ” رونقوں کا میلہ ہارس اینڈ کیٹل شو2025 ، اختتام پذیر
