وطن پرجان قربان کرنےوالوں کواہل وطن کی جانیں عزیز: چولستان میں فری میڈیکل کیمپ ، خدمت انسانیت جاری

راولپنڈی:وطن پرجان قربان کرنے والوں کواہل وطن کی جانیں عزیز:چولستان میں فری میڈیکل کیمپ ، خدمت انسانیت جاری،اطلاعات کےمطابق پاکستان آرمی کے چولستان کے دور افتادہ علاقوں میں مفت طبی سہولیات ۔ اس منصوبہ کو عملی جامہ پہنانے کے لئے پاکستان آرمی کی خصوصی ٹیمیں تشکیل دی گئی ہیں جو ڈسٹرکٹ انتظامیہ کے تعاون سے چولستان کے دور افتادہ علاقوں میں طبی سہولتوں کی فراہمی کے لئے سر گرم ہیں۔

آئی ایس پی آر کے مطابق اس سلسلے میں سال 2021 میں اب تک چنن پیر ، چک 75 DNB، چک ,121 DNB کھتری بنگلہ ،دین گڑھ ، چاہ ناگراں، چاہ ملکانہ ، کالا پہاڑ ،احمد پور ایسٹ، منچن آباد اور چشتیاں میں فری میڈیکل اور آئی کیمپ کا انعقاد کیا جا چکا ہے جن میں تقریباً 12000 افراد کو فری طبی سہولیات مہیا کی جا چکی ہیں۔

ہم حاضرہم قربان :اے اہل پاکستان
چولستان میں پاک فوج کے ڈاکٹرز،پیرامیڈیکل اسٹاف کا فری میڈیکل کیمپ،چیک اپ ، ادویات مفت
غریب خوش ، خوش پاک فوج pic.twitter.com/NStzO2YdGv

— Baaghi TV باغی ٹی وی (@BaaghiTV) October 16, 2021

اس فلاح کی کڑی کو آگے بڑھاتے ہوئے تحصیل ہسپتال فورٹ عباس میں پاک فوج اور ضلعی انتظامیہ کے زیراہتمام سیلانی انٹرنیشنل ویلفئیر ٹرسٹ کی وساطت سے فری میڈیکل، آئی سرجیکل کیمپ مورخہ 12 سے 17 اکتوبر 2021 تک جاری ہے ۔ اس کیمپ میں غریب اور نادار مریضوں کے لئے امراض چشم کی تشخیص و علاج اور مفت لیزر آئی سرجری کے ذریعے موتیے کا علاج کیا جارہا ہے۔ نیز ،ضرورت مند افراد کو مفت چشمےاور ادویات بھی مہیا کئے جارہے ہیں ۔

مورخہ 15 اکتوبر 2021 کو کور کمانڈر بہاولپور لیفٹیننٹ جنرل خالد ضیا ء نے بھی اس آئی کیمپ کا دورہ کیا جہاں انہوں نے عوام کو دی جانے والی طبی سہولیات کا بغور جائزہ لیا۔ کور کمانڈر نے ہدایت کی کہ زیادہ سے زیادہ مریضوں کو اس کیمپ سے مستفیض کیا جائے ۔