ڈی آئی خان میں میں نامعلوم افراد کی فائرنگ،4 کسٹم اہلکا ر اور 1 بچی جاں بحق

ڈیرہ اسماعیل خان (ڈی آئی خان) میں نامعلوم افراد کی فائرنگ سےکسٹم کے 4 اہلکار اور ایک بچی جاں بحق اور ایک راہ گیر زخمی ہوگیا۔

باغی ٹی وی : پولیس کے مطابق فائرنگ کا واقعہ ڈی آئی خان کے علاقے درابن میں پیش آیا جہاں نامعلوم ملزمان نے سڑک پر موجود کسٹم کی گاڑی پر فائرنگ کی، فائرنگ کے نتیجے میں کسٹم کے 4 اہلکار سڑک پر موجود ایک بچی جاں بحق ہو گئی جبکہ ایک راہ گیر زخمی بھی ہوا-

پولیس کا کہنا ہےکہ فائرنگ کے بعد ملزمان فرار ہوگئے، پولیس نے علاقے کو گھیرے میں لے لیا ہے اور ملزمان کی تلاش جاری ہے کسٹم اہلکار معمول کی ڈیوٹی پر تھے،ملزمان نے گاڑی پر فائرنگ کی،ملزمان کی فائرنگ کی زد میں آ کر ایک بچی اور راہ گیر بھی زخمی ہوا۔

دوسری جانب ضلع اوکاڑہ کے شہر رینالہ خورد میں پیٹرول پمپ پر کام کرنے والے گارڈ نے خود کشی کرلی،پولیس کا کہنا ہے کہ سی سی ٹی وی فوٹیج کے مطابق گارڈ نے خود کو گولی مار کر خودکشی کی، گارڈ اعظم نے پسند کی شادی نہ ہونے پر خود کشی کی اور واقعے کے حوالےسے پولیس مزید تحقیق کررہی ہے۔