اسلام آباد: پاکستان بھرمیں حریت رہنما سید علی گیلانی کی غائبانہ نماز جنازہ ادا،اطلاعات کے مطابق آج پورے آزاد کشمیر اوردنیا بھر کی طرح پاکستان کے کونے کونے میں تحریک آزادی کشمیر کے روح رواں سید علی شاہ گیلانی کی غائبانہ نمازجنازہ ادا کردی گئی ہے
اس محبت اوروفاداری کی سب سے بڑا اجتماع آج پاکستان کے دارالحکومت اسلام اسلام آباد کی فیصل مسجد میں حریت رہنما سید علی گیلانی کی غائبانہ نماز جنازہ ادا کی گئی۔
عظیم حریت رہنما سید علی گیلانی کو خراج عقیدت پیش کرنے کا سلسلہ جاری ہے۔ اسلام آباد کی فیصل مسجد میں علی گیلانی کی غائبانہ نماز جنازہ ادا کی گئی۔ جس میں صدر مملکت عارف علوی، ڈی جی آئی ایس آئی میجر جنرل فیض حمید، وفاقی وزرا اور شہریوں کی بڑی تعداد نے شرکت کی۔
یاد رہے کہ آج ملک بھر میں بابائے حریت ، تحریک آزادی کشمیر کے روح رواں سید علی گیلانی کی غائبانہ نمازجنازہ ادا کی جارہی ہے اوروزیراعظم کی خواہش اورہدایت کے مطابق سید علی شاہ گیلانی کوخراج تحسین پیشن کرنے کے لیے سرکاری سطح پرملک بھر میں غائبانہ نماز جنازہ ادا کرنے کا فیصلہ ہوا تھا
یہ بھی یاد رہے کہ سابق وزیراعظم نوازشریف کے دور میں پاکستان میں کشمیری رہنماوں ، شہدا کی غائبانہ نماز جنازہ ادا کرنے پرپابندی تھی اور جو کوئی اہل کشمیر سے وفا اوراپنا دینی فریضہ ادا کرتے ہوئے غائبانہ نمازجنازہ پڑھتا تھا تواس جیل بھیج دیا جاتا تھا
