خیبرپختونخوا کے ضلع شانگلہ کے علاقے داموڑی میں پیپلز پارٹی کا ورکرز کنونشن منعقد ہوا
کنونشن سے پیپلز پارٹی کے چیئرمین بلاول بھٹوزرداری نے خطاب کرتے ہوئے کہا کہ شانگلہ کے عوام نے ثابت کر دیا بھٹو آج بھی زندہ ہے، شناگلہ کے لوگوں کا دل سےمشکور ہوں ،پاکستان کے عوام کومشکلات کا سامنا ہے ، معاشی حالات ابترہوتے جارہے ہیں ، انا کی سیاست کرنے والے پرانے سیاستدان عوامی مسائل سے آگاہ نہیں ،ملک میں تقسیم کی سیاست عروج پر ہے ،سیاست کو اختلاف رائے کے بجائے ذاتی دشمنی تک پہنچادیا گیا،ایک طرف نفرت اور تقسیم کی سیاست جاری ہے ،دوسری طرف معاشی بحران بدسے بدتر ہوتاجارہاہے ،سیاستدان آج بھی پرانی سیاست کررہے ہیں،ہمیں ٹک ٹاک ،گالم گلوچ اور گیٹ نمبر4کی سیاست نہیں آتی،
بلاول زرداری کا کہنا تھا کہ پرانے سیاستدان کو عوام کے اصل مسائل میں کوئی دلچسپی نہیں، نہ انکے پاس ان مسائل کا کوئی حل ہے ،ہم نے اپنے لوگوں کو روزگار دینا ہے، سندھ میں ہم نے برج، سڑکیں بنائیں، جب تک مزدور خوشحال نہیں ملک خوشحال نہیں ہوسکتا، نوجوانوں کےلئے یوتھ کارڈ لائیں گے، مجھ پر آج تک نا کرپشن کا کیس ہے اور نا ہی خون کا داغ ،میرے مخالف بھی مجھ پر کرپشن کا الزام نہیں لگا سکتے، میرے ہاتھ صاف ہیں،ریاست کی ذمہ داری ہے کہ عوام کو روزگار دلوائیں چاہے کہیں بھی ہو،
بلاول زرداری کا مزید کہنا تھا کہ آپ نے فیصلہ کرنا ہے، میرے بزرگوں نے نوجوانوں کو بچانا ہے ،انا،نفرت،تقسیم کی سیاست کو جاری رکھنا ہے یا اپنی قسمت بدلنی ہے، اگر آپ اصل مسائل حل کرنا چاہتے ہیں ،عوامی راج چاہتے ہیں تو پیپلز پارٹی کو ووٹ دے کر کامیاب بنائیں،ہم ملکر جدوجہد کریں گے، قائد عوام کا نامکمل مشن پورا کریں گے،میرا ملک مشکل میں ہے عوام تکلیف میں ہے، آپ لوگ میرا ساتھ دیں،میں دکھاؤں گا کہ کیسے ملک اور عوام کی قسمت تبدیل کریں گے.سب سیاست دانوں کو پہچان چکا ہوں ،آٹھ فروری کو الیکشن ہے گھر گھر میں میرا پیغام، میرا منشور پہنچائیں،گھر گھر جا کر بتائیں پیپلز پارٹی عوام کی خدمت کر رہی ہے،
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
مبشر لقمان کا کہنا تھا کہ بہت ہی اہم خبر لے کر آیا ہوں،
مبش لقمان کا کہنا تھا کہ ضیا الحق کی مدد کرنے والوں میں نواز شریف سب سے آگے تھے
خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی
وزیراعظم سمیت کروڑوں کا ڈیٹا لیک،سیاست کا 12واں کھلاڑی کون
